Nachrichten und Veranstaltungstipps / nowosći a pórucenja

Aktualne wót 23.05.2013:

Cora su how w měsće wósebnje demontrěrowali górniki a wše te, ak´ su za dalejwjeźenje wuglowych jamow we Łužycy. Źinsa wobradujo how wósebny gremij wó tom a to Bramborski brunicowy wuběrk. How se wobźělijotej z boka kněžarstwa teke ministaŕ za góspodarstwo Christoffers a infrastrukturny ministaŕ Vogelsänger. Tam źo wósebnje wó dalejwjeźenje wugloweje jamy Wjelcej-połudnjo. Z tym jo zwězane pśesedlenje wušej 800 luźi. Z tym a docełego z dalejwjeźenim doněntejšneje energijoweje politiki w Bramborskej njejsu młoge spokojom. Wósebnje šćitarje pśirody a bergarske iniciatiwy su toś źinsa zajtša pśed měsćańskim domom demonstrěrowali a to mjazy drugim z wejsnymi toflami jsow, kótarež se južo wugla dla wótbagrowali su.

W Dešnje se witśe wóswěśijo srjejźowěkowe serbske sedlišćo “Stary lud”. To dej se staś zeger jadnog´ połudnjo (11 g.) a zeger tśich (15 g.) se tomu pśizamknjo kolokwium z archeologiskimi pśinoskami.
Z pupkowym graśim „Stellaluna – mały njetopyŕ” pśidu źiwadłowniki z Budyšyna witśe do Hochoz. Zeger tśich (15 g.) se to pón w tamnem gmejnskem centrumje pśedstajijo.
Smolnicowy swěźeń caka witśe wót zeger styrich (16 g.) na Trjebinarjow a to pśed nowym domom towaristwow.