aktualne informacije a pórucenja -
Gottesdienst in Vetschau/namša we Wětošowje +++ Malereiwekrstatt/mólaŕska źěłaŕnicka +++ Ausstellung in der Oberkirche/wustajeńca w Nimskej cerkwi +++ Buchneuheiten/knigłowe nowosći
dwójorěcna namša na dnju wótwórjonego pomnika
Na slědnej nimsko-serbskej namšy we serbsko-nimskej dwójnej cerkwi Wětošowje su na fararja Benjamina Běgarja spominali. Wón jo pśed 75 lětami zemrěł. Běgaŕ jo był slědny faraŕ, kótaryž jo how serbski prjatkował. Rownocasnje jo wósada wóswěśiła 25. jubilej spěchowańskego towaristwa serbskeje cerkwje Wětosow. Dwójna cerkwja togodla, dokulaž stoj direktnje pódla cerkwje za nimskich teke Bóžy dom za serbskich kśesćijanow. Jadnorazna w cełej Nimskej.
Beim wendisch-deutschen Gottesdienst in der Wendisch-deutschen Doppelkirche Vetschau wurde des Pfarrers Benjamin Bieger gedacht. Er starb vor 75 Jahren. Bieger war der letzte Pfarrer, der hier wendisch gepredigt hatte. Gleichzeitig feierte die Gemeinde den 25. Jahrestag des Fördervereins der Wendischen Kirche Vetschau. Doppelkirche deshalb, weil das Gotteshaus der wendischen Christen direkt neben dem für die deutschen steht. Einmalig in Deutschland.
+++++
mólaŕska źěłaŕnja serbskeje rěcneje šule
Šula za dolnoserbsku rěc a kulturu pórucyjo nic jano rěcne kurse, wóna pśepšosyjo na wuzgónjowanje domownje a pózbuźujo ku kreatiwnosći. Slědnu sobotu na pśikład jo wótměła źěłaŕnicka z gubinskim wuměłcom Klausom Bramburgerom. Nastali su tam grafiki a akwarele.
Die Schule für Niedersorbische Sprache und Kultur bietet nicht nur Sprachkurse an, sie lädt ein, aktiv die Heimat zu erkunden und kreativ zu werden. Letzten Sonnabend zum Beispiel einen Workshop mit dem Künstler Klaus Bramburger aus Guben. Entstanden sind dabei Grafiken und Aquarelle.
+++++
nowa wustajeńca we Wušej cerkwi
Władysław Bartoszewski jo był pólski wopěraŕ, historikaŕ a něgajšny wenkowny ministaŕ Pólskeje. Wustajeńca wó njom jo wóchylu wiźeś w chóśebuskej Nimskej cerkwi. Z dokumentami z młodych lět Bartoszewskego, jogo casa we koncentraciskem lěgwje Auschwitz až ku bytšemu, lichotu lubujucemu rownikoju. Cas žywjenja jo se procował wó wujadnosć mjazy Nimskeju a słowjańskimi krajami.
Wladislaw Bartoszewski war ein polnischer Widerstandskämpfer, Historiker und ehemaliger Außenminister Polens. Eine Ausstellung über ihn ist derzeit in der Cottbuser Oberkirche zu sehen. Mit Dokumenten aus Bartoszewskis Jugend, seiner Zeit im KZ Ausschwitz, bis hin zum wachsamen, freiheitsliebenden Zeitgenossen. Sein Leben lang bemühte er sich um eine Versöhnung zwischen Deutschland und den slawischen Ländern.
Nimska cerkwja, Władysław Bartoszewski - wustajeńca
wšednje 10 - 17 góź. wócynjone
Oberkirche Cottbus, Ausstellung über Władysław Bartoszewski
täglich 10 - 17 Uhr geöffnet
+++++
knigłowe nowosći z ludowego nakładnistwa Domowina
- "Wuchack głupack" - tšojeńka wó zwěrjetkach za małych cytarjow. Su to prědne serbske źiśece knigły Jill-Francis Ketlicojc. Kniglicki z 12 wulicowańkami płaśe 12,90 euro.
- "GrubenRandNotizen" - spomnjeśa na wójowanje serbskeje jsy Rogow pśeśiwo wótbagrowanjeju, napisane w źeniku wót serbskego spisowaśela Jurija Kocha. płaśizna: 16,90€
pórucenje: Spisowaśel cyta 7. oktobra w Rogowje w tamnem archiwje zgubjonych jsow.
- "Pratyja 2021" - woblubowany dolnoserbski kalendaŕ jo dypkownje srjejź nazymskego mjaseca wujšeł. Jeje redakcija - Horst Adam, Ingrid Hustetowa a Bernd Pitkunings - jo zestajiła wěcej ak 50 pśinoskow wót wušej 30 awtorkow a awtorow, tak až cytaŕki a cytarje mógu se wjaseliś na wótměnjatu lekturu. A dwa muskej smějotej wóswěśiś pratyjaŕski jubilej: redaktor Horst Adam swój 40. a fotograf Thomas Kläber swój 25.! A se pokazujo, kake pśechwatanki móžoš wótekšyś w našych wjaskach: tenraz stoj Běła Góra we fokusu. Dostanjośo Pratyja za lěto 2021 za 8 euro.
pórucenje: Prezentacija Pratyje buźo 2. oktobra 18 g. w starem konsumje w Běłej Górje
Neue sorbische Bücher auf dem Markt
"Hase Dummerchen" - Tiergeschichten für Leseanfänger. Es ist das erste wendische Kinderbuch von Jill- Francis Käthlitz. Die Kurzgeschichten kosten 12,90€.
"GrubenRandNotizen" - Erinnerungen an den Kampf der Hornoer gegen die Abbaggerung ihres Dorfes, festgehalten in einem Tagebuch von Jurij Koch. Preis: 16,90€
Tipp: Der Schriftsteller liest am 7. Oktober 2020 im Archiv der verschwundenen Orte in Horno.
"Pratyja 2021" - das beliebte niedersorbische Jahreskalendarium beinhaltet mehr als 50 Beiträge von ca. 30 Autorinnen und Autoren. Und es wird wieder gezeigt, welch Spannendes es in unseren wendischen Dörfern zu entdecken gibt im Fokus steht diesmal das Spreewalddorf Byhleguhre. Der Buchkalender „Pratyja“ für 2021 ist zum Preis von 8€ erhältlich.
Tipp: Präsentation der Pratyja ist am 2. Oktober 18:00 im Alten Konsum in Byhleguhre.
