Cel Serbskego šulskego towaristwa jo był wót jogo załoženja 1991 natwariś seś serbskich a Witaj źiśownjow. Wósym takich jo dogromady nastało, dwě w Dolnej Łužycy, w Žylowje a měsće. "Wila Kunterbunt" jo dajet swěśiła 20-lětny jubilej. Z pśewšo rědnym programom su źiśi pśedstajili wšake sceny, spiwali, rejowali, wulicowali. Zastupniki serbskich gremijow a towarišnosći projekt ze wšeju mócu pódpěraju.

Wót lěta 1998 pśewjeźo se w Dolnej Łužycy WITAJ projekt a w lěśe 2002 su wótkubłaŕki zachopili teke we "Wili Kunterbunt" w Chóśebuzu ze źiśimi serbski powědaś. Pótakem swěśi źiśownja lětosa (15.07.2022) swój 20-lětny jubilej serbskego wukubłanja. Gósći su sebje do źiśownje pśepšosyli a źiśi kśě pokazaś, kak derje južo serbski mógu. Dłujko su se wšykne na ten wjeliki swěźeń pśigótowali, groni wjednica Mila Zachariasowa. Wóna źěła teke ako praksisowa póraźowaŕka za wótkubłaŕki a wótkubłarje we WITAJ projektach. Wóna co wósebnje tych chwaliś, ako se ze swójim źěłom nejwěcej procuju, až WITAJ projekt jo wuspěšny. Mila Zachariasowa jo nowa wjednica źiśownje "Wila Kunterbunt". Manuela Drinkmannowa, ako něnto tam ako wótkubłaŕka źěła, jo we tej nawjedujucej funkciji 9 lět źěłała. Co jo pó jeje měnjenju to, na co mógu gjarde byś.
 
W serbskich źiśownjach personal felujo. Nosaŕ źiśownje, to jo Serbske šulske towaristwo, pyta w Dolnej Łužycy wótkubłarki a wótkubłarje.

Pśinosk: Konstanca Širmerowa

Villa Kunterbunt seit 20 Jahren WITAJ Kita

Mit einem sehr schönen bunten Festprogramm feierte die Cottbuser WITAJ Kita "Villa Kunterbunt" im Juli ihr 20. Jubiläum. Vertreter sorbischer Gremien und Vereine, die das Projekt unterstützen, kamen zur Festveranstaltung.

Beitrag von Konstanze Schirmer