Stefan Göbel -
Wjasele do rejki/Tanznachmittag +++ Slěpjański rozprajak/Sprachführer +++ Nowe zwóny/Neue Glocken +++ Serbska rada/Sorbenrat +++ Ptaškowa swajźba/Vogelhochzeit +++ Zymske wjasela/Winterfreuden
"Wjasele do rejki" w Myšynje / Tanznachmittag in Müschen
Ak se w zapustojskem casu góźi: Prědny raz pó koronje póbituju zasej pód nawjedowanim koreografa Michaela Apela pšawidłownje rejowańske wótpołdnja za zwucowanje tradicionalnych serbskich a nimskich rejow. Wót polki až k reji Rheinländer. How jo za kuždego něco. Pśiducy termin how w Domje Myšynarjow jo 14. maj.
Passend zur Fastnachtszeit: Erstmals nach Corona werden unter der Leitung des Choreographen Michael Apel wieder regelmässig Tanznachmittage angeboten, um traditionelle sorbische und deutsche Tänze zu üben. Von der Polka bis zum Rheinländer. Hier ist für jeden etwas dabei. Der nächste Termin im Haus der Müschener am 14. Mai.
+++
Slěpjański rozprajak / Schleifer Sprachführer
K prědnemu razoju jo wujšła rěcna pśirucka za tych, ak kśě jadnoraznu slěpjańsku serbšćinu wuknuś abo skšuśiś. "Slěpjański rozprajak" jo teke dokumentacija serbskeje slěpjańskeje rěcy, kótarejž akutnje grozy, až wótemrějo. Kupiś móžośo rozprajak mj. dr. w Serbskej kulturnej informaciji LODKA w chóśebuskem Serbskem domje abo skazaś online.
Erstmals ist ein Sprachführer für diejenigen erschienen, die das einzigartige Schleifer Sorbisch erlernen oder festigen wollen. Der "Slěpjański rozprajak" ist auch Dokumentation der Schleifer sorbischen Sprache, die akut vom Aussterben bedroht ist. Erhältlich ist der Sprachführer u.a. in der Sorbischen Kulturinformation LODKA im Wendischen Haus in Cottbus (oder auch online).
+++
Serbska rada / Sorbenrat
Rada za nastupnosći Serbow Bramborskeje jo w januarje wuzwóliła bramborskich zastupnikow z Dolneje Łužyce do rady Załožby za serbski lud. Pśi tom su wótněnta žeńske na cole, wuzwólili su ga Dianu Šejcowu a Angelu Šurmanowu. Zastupnik jo Markus Końcaŕ a prědny raz Julian Brüning, cłonk bramborskego krajnego sejma. Wóni budu w pśiducych styrich lětach glědaś Załožbje za serbski lud na palce, gaž pójźo wó rozdźělenje pjenjez abo wó spěchowanje projektow za skšuśenje dolnoserbskeje rěcy.
Der Rat für sorbische/wendische Angelegenheiten des Landes Brandenburg hat im Januar die brandenburgischen Vertreter der Niederlausitz in den Siftungsrat gewählt. Die Wahl fiel auf Diana Schuster und Angela Schurmann. Stellvertreter ist Markus Koinzer und zum ersten Mal Julian Brüning, Mitglied des Brandenburger Landtages. Sie werden in den nächsten vier Jahren der Stiftung für das sorbische Volk auf die Finger schauen, wenn es um die Verteilung von Geldern geht oder um die Förderung von Projekten zur Stärkung der niedersorbischen Sprache.
+++
Ptaškowa swajźba SLA / Vogelhochzeit des SNE
Kopaty połny dom Komorowego jawišća Chóśebuskego statnego źiwadła. Program ptaškoweje swajźby ze Serbskim ludowym ansamblom z Budyšyna swěśi premjeru. Nowo interpretěrowała jo se lětosa komiska opera "Jakub a Kata" Handrija Zejlerja a Korle Awgusta Kocora. Tšojenje jadna wó roztyla chyśu a pytanju partnarja a na kóńcu se ako pśecej swajźba swěśi.
Volles Haus in der Kammerbühne des Cottbuser Staatstheaters. Das Vogelhochzeitsprogramms mit dem Sorbischen National-Ensembles aus Bautzen feiert Premiere. Neuinterpretiert wird in diesem Jahr die komische Oper "Jakub und Kata" von Handrij Zejler und Korla Awgust Kocor. Die Geschichte handelt von Scheidung und Partnersuche und am Ende wird wie immer geheiratet.
+++
"Zymske wjasela / Winterfreuden"
To jo titel aktualneje wustajeńce w Serbskem muzeju w měsće. Pódla gódownych nałogow móžośo how wobźiwowaś pśedewšym mólby a grafiki serbskich zymskich impresijow, až k eksponatam klasiskego źěła a tradicijow w zymskem casu. Wiźeś jo wóna jano hyšći až do 26. februara.
So heisst die aktuelle Ausstellung im Wendischen Museum in Cottbus. Neben weihnachtlichen Bräuchen lassen sich hier vor allem auch Gemälde und Grafiken wendischer Winterimpressionen, bis hin zu Exponaten aus klassischen Winterarbeiten und Brauchtum, bestaunen. Zu sehen ist sie nur noch bis zum 26. Februar.
