-
14. měrca 2023 jo Helmut Kurjo z Blunja, znajaŕ narodnych drastwow a ludowy wuměłc, wumrěł w starstwje 88 lět.
Am 14. März ist Helmut Kurjo aus Bluno, Kenner der sorbischen Tracht und Volkskünstler, im Alter von 88 Jahren verstorben.
Pśinosk: Konstanca Širmerowa, Marja Elikowska-Winklerowa (2022)
Beitrag: Konstanze Schirmer, Maria Elikowska-Winkler
Lětźasetki jo był pobraška a ako taki jo wušej 130 swajźbow w serbskich jsach srjejźneje Łužyce pśewóźował a wugótował. Helmut Kurjo jo był ten slědny w Blunju, kótaryž jo wobkněžył tamnu narěc běžnje. K spominanju na njogo how nagrawanja pśi našom slědnem woglěźe w Blunju w aprylu 2022.
Helmut Kurjo jo se naroźił 6. januara lěta 1935 w Blunju. Wótrosł jo w serbskej familiji, doma a ze susedami a we cełej jsy su jano serbski powědali, nimsku rěc jo Helmut Kurjo akle w šuli nawuknuł, ako jo sam w rozgronach wulicował. Wałtoru, 14. měrca 2023, jo wón na pśecej zacynił swójej wóce.
Helmut Kurjo jo był wuběrny znajaŕ blunjańskeje, ale teke wórjejskeje serbskeje drastwy a jo wšuźi pomagał pśi zdrasćenju. Z połnym pšawom móžo se wó njom groniś, až jo wěcywuznaty znajaŕ a ludowědnik Srjejźneje Łužyce. Wón jo zgótował serbske pupki a jo wupyšnił šykownje serbske jatšowne jaja.
Helmut Kurjo jo był tež rozpalony spiwaŕ - w cerkwi a lěta dłujko w serbskem měšanem chorje Źidźino-Bjezdowy. Wón jo stawnje był wjasołeje wutšoby a jo woplěwał wšykne tradicije swójeje hólańskeje domownje. To jo cynił ako cłonk blunjańskego drastwowego towaristwa, źož jo ako pobratš nawjedował swjaźbaŕski pśeśěg. Ako slědny serbski ewangelski póbratš jo wjadł dogromady 120 porikow k manźelskemu zluboju do cerkwjow swójeje wokoliny.
Swóju zwězanosć z domownju a z tym serbskim jo teke pokazał ze swójim burskim muzeumom z rědami a rolnikarskim wobrědami w Blunju. Felowali njejsu tam, to se wě, serbske drastwy.
Ako zwěrny ewangelski kśesćijan jo Helmut Kurjo aktiwnje statkował we wejsnej wósaźe, w serbskej wósaźe, w źěłowej kupce "Serbska namša". W našych radijowych programach nejpjerwjej ORB, něnto rbb jo luźam pósrědkował bóže słowo w swójej lubej maminej rěcy.
Něnto jo blunjanaŕ Helmut Kurjo zemreł. Což nam na pśecej wóstanjo, su dopomnjeńki na zmakanja a na nagrawanja z nim, kenž wobchowamy na pśecej w našom archiwje.
Er war jahrzehntelang Hochzeitsbitter und als solcher hat er mehr als 130 Hochzeiten in den sorbischen Dörfern der mittleren Lausitz ausgerichtet. Helmut Kurjo war der letzte Blunoer, der die dortige Mundart noch fließend beherrschte. In Erinnerung an ihn die Aufnahmen von unserem letzten Besuch in Bluno vom April 2022.
