02.01.2025 - Aktualne informacije wót 2. januara / Aktuelle Informationen
W Nimskej jo se populacija mórskego hodlarja derje łoni wuwijała. Ten trend jo južo wěcej lět, až bywa jich wěcej. Wušej tysac pórikow jich jo. To jo bejnje dobra licba glědajucy na to, až jo był pśisamem wutamany pśed hundert lětami. Mjaztym jo mórski hodlaŕ ako rezultat napšawow za jogo šćit w Nimskej tak derje zastupjony, až se do drugich krajow wót how rozšyrjajo. Wó tom informěrujo WWF, mjazynarodna załožba za šćit pśirody.
Hynac bóžko wuglěda pla jěžow. Jich licba jo se nadalej špatnje wuwijała, tak až płaśi něnto ako potencielnje wobgrozony. Głowna zawina jo znicenje wejsnych strukturow.
Amalgam zakazane / Ab 2025 Verbot von Dentalamalgam in der EU
Nowe casy, nowe kwasy, groni se we jadnom serbskem pśisłowje. We nowem lěśe płaśe nowe kaznje a regule. Na pśikład njesmějo zubny gójc wam nadalej amalgam ako plombu do zubow daś. To jo wót nowego lěta zakazane dla žywego slobra w amalgamje. Wobtwarźenje za to klincy nejpjerwjej kuriosnje: spalenje śěłow w krematoriumach dujo płun ze žywym slobrom do wobswěta. Ale se wě, až se ten gadowaty śěžki metal we tamnej wokolinje koncentrěrujo. To dobre pśi tom jo, až póbituju něnto běłe plombe z plastowego komposita bzeze pśipłaśonka.
Prědne woklapnicy / Erste Einwohnerversammlungen
Jo zasej cas woklapnicow, witśe su prědne tśi terminy: w Janšojcach zeger 18:00 w gósćeńcu "K lipje", w Myšynje zeger 19:00 w "Domje Myšynarjow" a na Górach zeger 18:00 we wejsnem domje.