Tu njeźelu jo tak daloko, nanejmenjej w Duringskej a Sakskej su pón wólby ku krajnemu sejmoju. W Bramborskej jo hyšći až do 22.09.cas, se menjenje ku kandidatam stwóriś. Ale jasnje jo: Až smějomy wóliś jo wusoke demokratiske pšawo a rownocasnje zagronitosć.
Domowina, ako kšywowy zwězk Łužyskich Serbow, zasajźujo se za spěchowanje a šćit serbskeje rěcy, kultury a identity. Zwězk jo se z wólbnymi programami partajow rozestajał, jo partajam pšašanja k serbskim temam stajił a te wótegrona móžośo na internetowem boku Domowiny namakaś.
Potajem napomina Domowina wólaŕki a wólarjow, pśi swójom rozsuźenju na wólbnem dnju dokradnje glědaś, kótare partaje a kandidaty za wótwórjonu, demokratisku a tolerantnu towarišnosć stoje.

“Zwěsćujomy, až se mimo FDP w Bramborskej a AfD w Sakskej, wšykne politiske strony serbskemu ludoju w jich wólbnych programach pśiwobrośiju. We wopśimjeśach pak su wjelike rozdźěle. Te jadne serbski lud jano na kulturu reducěruju. Druge naraźiju konkretne napšawy za pólěpšenje situacije, na pśikład w palecej temje šulstwo”, tak pśedsedaŕ Domowiny Dawid Statnik.

Gaž cośo se wosobinske mjenjenje wót našych regionalnych kandidatow za bramborski krajny sejm twóriś: Domowina organizěrujo teke we Dolnej Łužycy wólbny forum. To buźo 10. septembra zeger 18:00 w Janšojcach w sportlaŕskem domje.