Jadno dyrdakojstwo mjazy górami a mórjom jo to było. Chóśebuska spiwaŕka Lena Hauptmannojc jo z duom LeDazzo zastupiła Serbow na mjazynarodnem spiwnem wuběźowanju LIET international na kupje Korsika. To dyrdakojstwo pśiźo něnto sobotu (11.01.2025) do rbb telewizije. Lenu pśełoźował jo naš muzikowy redaktor Gregor Kliem: "To wuběźowanje jo ga juž było wósebne, my smy wó tom rozpšawili. Ale film, ten ma hyšći raz drugu kwalitu: "Grand Prix für Lena Hauptmann?" - to jo titel - jo pšawy road movie z kradu emocionalnymi momentami. Njejo ga było zewšym wěste, lěc spiwaŕka to štorma a wjedra dla dypkownje na kupu šafnjo. My zeznajomy Lenu ako jadnu, kótarejž to serbske wažne jo, kótaraž how we Łužycy zakórjenjona jo. Gnujucy pak teke te druge wuměłce. Lěc pśidu wót Bretonow, Sefardow abo Dolnonimcow – wšykne maju pódobne dožywjenja, śěžkosći rěc a kulturu wobchowaś. A dla togo cujoš tu zgromadnosć, tu familiju, ako wóni wšykne tam stwórje. A pśipódla zeznajoš Korsikarjow, jich góspodliwosć a napšawdu rědnučku kupu!"
"Grand Prix für Lena Hauptmann?" pśiźo sobotu 18.30 na bramborskem telewiznem kanalu rbb, ale juž něnto móžośo jen wiźeś w ARD mediatece.