Johannisreiten in Casel, Foto: Traditionsverein Casel e.V.
Johannisreiten in Casel 2019 | Bild: Traditionsverein Casel e.V.

20.06.2022 - Jańske rejtowanje w Kózlem / Johannisreiten in Casel

Pó dłujkej pśestawce su cora we Kózłem pla Drjowka zasej pó starem serbskem nałogu pśedwjadli swójo „Jańske rejtowanje“. Njeglědajucy na wusoke temperatury jo pśišło něźi 400 gósći do Kózłego a jo tym 12 rejtarjam pśi wuběźowanju pśiglědało. Krajny raźc wokrejsa Sprjewja-Nysa Harald Altekrüger jo nagrono źaržał a rejtarjam gluku žycył. We srjejźi jo zasej stojał swěty Jan, figura płodnosći, ze swójom woblaku z módrackami a ze žnjowneju kronu. Lětosa jo to był zasej Tobias Richter. Chtož wumějo sebje wót módrackowego kostima kwětki wótryś, změjo w pśiducem lěśe gluku, se groni. Mimo togo jo wjas cora wóswěśiła swójo 575te wobstaśe.
Pśiducu sobotu wejsny jubilej dalej swěśe z wjele atrakcijami za źiśi. To gótuju gromaźe z wejsneju wognjoweju woboru, kótaraž jo 90 lět stara.