Wokrejsne město Lubin pyta za swój nowy serbski projekt dwě góleśi za cytanje serbskich bajkow wó lutkach. Myslone su cytane teksty za wobswětowy projekt z titelom "Njerěch njejo bajka". Zaměr projekta jo, w Lubinje wěcej cyniś za šćit klimy, cystosć, kubłanje a zgromadnosć. Za to kśě sudobje za wótpadki wugótowaś z tak mjenowanym QR code. Z tym mógu wobydlarje a gósći pśi rozchójźowanju pśez město wót wósobinow města a źiśi cytane serbske bajki wótsłuchaś. Za to kśě wudaś małku drogowańsku kórtku. Mimo togo deje luštne, myslate a šarmantne gronka na sudobjach wótśišćane byś. Pytanej góleśi za cytanje by dejałej byś wuknicy resp. wuknika 5. abo 6. lětnika. Cas za pśizjawjenje jo až do pśiducego stwórtka 23. měrca na adresu pressestelle@luebben.de. Załožba za serbski lud toś ten projekt pódpěrujo.
+++
Für Übersetzungen: die sotra.app