Wulěśeś k mrokowym karniklam, wuźiś z Bartkojc Matom, gulsowaś z chódotku Ronicu... fantastiske a magiske tšojeńka, ako dajo wótněnta w dolnoserbskej rěcy. "Z hympawu ku kobjelkam" su nowe źiśece knigły z pjera basnikaŕki Źilki, Jil-Francis Ketlicojc z Chóśebuza. Kšasnje wót Rosa Linke z Weimara ilustrěrowane teksty jo wudało ludowe nakładnistwo Domowina. Wót stwórtka, 28. nowembra su knigły na pśedań, na pśikład w serbskej kulturnej informaciji LODKA w Chóśebuzu a wóni płaśe 12.90 €.
Premjera buźo pśiducy tyźeń 4. decembra w zakładnej šuli Astrid-Lindgren w Chóśebuzu.