Južo 2008 jo wójowała kupka wobydlarjow w Brjazynje nad jazorom/Briesensee pśeśiwo nanuzowanemu pśizamknjenju na kanalizaciju. Něnto forměrujo se wótnowotki protest w tej jsy tšupcańskego amta. Mjazynarodna firma ma prědk, w bliskosći jsy wjeliki park ze załožkami za fotovoltaik twariś. 850 mejtarjow zdalony wót jsy maju ale južo wjeliki park z wětšnikami. Někotare wobydlarje su swóje grunty za to južo pśenajmjeli, druge se pśeśiwo planam woboraju. Zawina jo, až jo se klima we jsy zešpatniła. Temperatura jo wuša a zemja wuschnjo. Załožyła jo se dla togo bergarska initiatiwa, kótaraž co ale wěcownje wójowaś. Wuźěłała jo wobšyrny katalog z kriterijami, wobmyslenjami a płaśecymi pśedpisami. Ten dej se něnto we jsy, w gmejnje a w amśe diskutěrowaś.