Niedersorbisches Gymnasium Cottbus
Dolnoserbski gymnazium/Niedersorbisches Gymnasium | Bild: Niedersorbisches Gymnasium

22.11.22 - Pśednosk wó rěcnych pšawach / Vortrag über sorbische Sprachrechte

Krajny plan k zmócnjenju serbskeje rěcy, koncept wěcejrěcnosći, serbski E-government, rěcne planowanje - pśi wšyknych tych pśedewześow a napšawow, kenž kraj Bramborska tuchylu na dobro serbskeje rěcy pśewjeźo, móžoš juž pśeglěd zgubiś, co jo za co myslone, a se wě, kak som sam wót togo pótrjefjony abo mógu wót togo profitěrowaś. Co su móje rěcne pšawa a cogodla dejał je teke wužywaś, wó to źo źinsa wjacor pśi pśednosku Šule za dolnoserbsku rěc a kulturu. Pśepšosony jo referent pśi wědomnostnem ministaŕstwje, Měto Nowak, pód titelom "Wupóraś do Zorjow? Aktualne rěcne pšawa a rěcna politika w Bramborskej". Pśednosk buźo wót zeger 17.00 do 18.30 w awli Dolnoserbskego gymnazija w Chóśebuzu. Cośo-li byś pódla, pón malsnje se pśizjawiś pśez telefon pód 0355 / 792829. Zastup jo lichy.