Na Dolnoserbskem gymnaziumje w Chóśebuzu pytaju nowu šlodaŕku za woplěwanje drastwinego fundusa. Zgótowanje, wupyšnjenje, pórěźenje a woplěwanje serbskich drastwow słuša k nadawkam tak ako woblekanje wuknikow a wuknicow k swěźenjam a zarědowanjam. Tśeśi źěłowy wobłuk jo nawjedowanje źěłoweje kupki na šuli, kenž se z drastwami zaběra. Wupisane jo połne městno, kenž se pó tarifje zapłaśijo. Procowaś deje se wukubłane šlodarje abo luźe z pódobnymi pówołańskimi nazgónjenjami. Až do kóńca januara jo procowanje pla města Chóśebuz móžno, wšykne informacije stoje na web-boku města.

Für Übersetzungen: die sotra.app