Wjasoły ruš jo był w tych dnjach na Njepilic dwórje w Rownem. Rowniski wuměłc Jörg Tausch a pśedsedaŕ towaristwa Njepilic dwór, Manfred Nikel, stej źiśam pśedstajiłej a rozkładowałej sćěnowy wobraz. Ten jo pó lětach w zabyśu swójo pšawe a myslone městno w Rownem dostał. Nastał jo we wót Sakskeje spěchowanem projekśe ze źiśimi rowniskeje źiśownje "Milenka" a Jörgom Tauschom w lěśe 2019. Źiśi a twórjecy wuměłc su se zaběrali z tematiku "serbske powěsći". Pón jo pśišeł koronowy cas a su zabyli na sćěnowy wobraz, kenž jo był myslony k 20. jubilejoju "Njepilic dwóra". Něnto wisy prowisoriski pód kšywom, druge šćitane městno kśě ale za njen namakaś.