Młode filmarje (až do 25 lět stare), glědajśo:

3.000 euro za nejlěpšu ideju za film wó žywjenju łužyskich Serbow: lěc drama, krimi abo komedija – Wy rozsuźijośo. A šula za dolnoserbsku rěc a kulturu póbitujo Wam pódpěru pśi zestajenju Wašogo filma. Eksposé za film ma se až do 1. oktobra toś togo lěta zapódaś. Nejlěpšy filmowy koncept se na lětosnej Łužyskej filmowej pśeglědce wuznamjenijo. Film ma se w běgu jadnogo lěta producěrowaś. Pśi tom pomagaju profije z filmoweje branže. Film móžo 5 do 20 minutow dłujki byś. Kšute wuměnjenje jo, až dej se we filmje serbski powědaś. Šula za dolnoserbsku rěc a kulturu stoj Wam pśi tom rad k pomocy. Prezentacija gótowego filma wótmějo se potom w nowembrje 2025 na pśiducem filmowem festiwalu w Chóśebuzu.