Oliver Bürgel jo nowy pśedsedaŕ Rozgłosoweje rady rozgłosa Barliń-Bramborska. Cłonki kontrolowego gremiuma su 53-lětnego cora do togo amta wuzwólili. Bürgel zastupujo w rozgłosowej raźe Ligu zwězkow Lichego towarišnostnego wobzwarnowanja/Verbände der Freien Wohlfahrt w Barlinju a Bramborskej. Jogo zastupnica jo wót corajšnego Elisabeth Herzog - von der Heide, šołtowka města Łukowca/Luckenwalde. Wobej nawjedujotej gremium pśiducej dwě lěśe. Nejwažnjejšy nadawk buźo pśigótowanje wólbow za nowu intendantku abo intendanta. W Rozgłosowej raźe rbb źěła cesnoamtski 30 cłonkow, 18 tych cłonkow jo se drugego měrca nowo wuzwóliło. Mjazy cłonkami jo wót Serbow delegowany Markus Końcaŕ z Chóśebuza.
+++
Für Übersetzungen: die sotra.app