Ze 14 porami a 4 źiśimi jo mósćański swajźbarski pśeśěg cora na swěźenju w pólskem měsće Nova Sol - a to w měsćańskem źělu Pryborow - pśedstajił serbsku swajźbu, ako jo se w Mósće swěśiła pśed něźi 80 lětami. Na tom swěźenju jo wustupiło teke wjele gercow, spiwarjow a rejowarjow wósebnje z togo města. Měli su tam teke stojnicu ze serbskeju jězu, źož su pśedawali mjazy drugim łupinate kulki z twarogom a lanym wólejom. Teke Mósćanarje su tam rozdawali serbski swajźbarski tykańc.