Załožba za serbski lud co w pśiducem lěśe dogromady 35 milionow euro wudaś. To jo pśisamem 5 milionow wěcej, ako z pśipłaśonkow Zwězka a krajowu ako teke z dalšnych žrědłow dostanjo. Głowna pśicyna za wuše wudawki su pówušenja tarifow. Togodla buźo Załožba swóje rezerwy pśetrjebaś, aby gospodaŕski plan za znowa wurownała. Ako direktor Załožby, Jan Budaŕ pak informěrował cora w Lubinje, źož su cłonki załožboweje rady wobradowali, su wót lěta 2021 taku rezerwu za wše pady nagromaźili.
Dalšne wupominanje jo, až změju změny kněžaŕstwow dla Sakska a Bramborska ako teke Zwězk w pśiducem lěśe akle pózdźej wobkšuśony etat za znowa. Togodla móžo Załožba až do srjejźi 2025 jano nachylnje góspodariś, pótakem žedne nowe projekty a inwesticije spěchowaś.
Za planowany “Serbski forum wědy” w Budyšynje doněnta pśedwiźone pjenjeze we wusokosći 44,4 milionow euro pó aktualnem pówoblicenju njedosegaju. Togodla dej Załožba tam něnto wopytaś, košty za twaŕski wjelikoprojekt znižyś. To dej se pó informacijach Budarja staś we tom, až sebje dokradnje hyšći raz twaŕske plany wobglěduju. Pjenjezy za forum wědy pśidu ze sakskego statnego ministeriuma za strukturne změny.