Raz wěcej buźo aktualna situacija na dalejwjeźecych šulach we wokrejsu Sprjewja-Nysa źinsa tema na pósejźenju wokrejsnego sejma SPN. Wó tom informěrujo ako gósć Uwe Mader, wjednik statnego šulskego amta. Ako drugego gósća su se wótpósłańce pśepšosyli Heiko Jahna, jadnarja gospodarskego regiona Łužyca GmbH. Wón dej informěrowaś wó aktualnem stawje na pólu strukturneje změny a wó imagowej akciji "Łužyca - ekstremny region". Wobradowanje w Baršću jo zjawne a zachopijo se źinsa zeger tśich (15:00) we wokrejsnem domje.