Wendisch-deutscher Gottesdienst in der Kirche Wüstenhain
serbska namša w Huštanju/Wendischer Gottesdienst in Wüstenhain | Bild: Maria Elikowska-Winkler

17.01.2023 - Zmakanje kupki "Serbska namša" / Treffen der AG "Wendischer Gottesdienst"

We wósadnem zmakanišću w Chmjelowje su se zmakali cora cłonki źěłoweje kupki "Serbska namša". Pśigótowanje serbskich bóžych słužbow jo była głowna tema. Ta pśiduca jo na Dolnoserbskem gymnaziumje, 13. februara zajtša napoł wósymich (7:30). Šulski wjednik Matthias Guttke a zagronita serbska faraŕka Katharina Köhlerowa ju zgromadnje organizěrujotej. Wó muziku stara se Tim Šmyt z Mósta zgromadnje z wuknikami šule.
Dalšna serbska namša buźo 19. měrca we Wjerbnje. Jatšy, swětki a gódy zmakaju se dolnoserbske kśesćijany na zwuconych městnach, w Picnju, Turjeju a w Chóśebuzu. Ako termin za nimsko-serbsku namšu w Kórjenju jo se naraźił 7. maj. Teke cerkwina wósada w Huštanju se žycy zasej taku, pó wuspěšnej premjerje łoni, teke lětosa w adwentskem casu.
Serbski ewangelski cerkwiny źeń swěśe łužyske kśesćijany lětosa w Slěpem a znowa se wón wugótujo zasej w Dolnej Łužycy. Naraźili su, až buźo wón we Gołkojcach a Gołbinje.
A to hyšći: Južo dlejšy cas se powěda wó partnaŕstwje z ewangelskeju wósadu w Pólskej. Pśedsedaŕ spěchowańskego towaristwa za serbsku rěc w cerkwi Hartmut Leipner jo nawězał kontakt ku fararjeju w Zielonej Górje. Prědne zmakanje buźo w maju na pólskem boku Dolneje Łužyce.

Für Übersetzungen: die sotra.app