Naša Maja jo něnto wuměłstwo! Ma něnto pšawu Stoletzki na ruce. A wó toś tom procesu njedajo jano skicu, ale něnto teke mólbu! Dobra pśijaśelka wót Maje gótujo kšasne wuměłstwo. Jej se groni Hella Stoletzkojc. Wóna jo teke na Dolnoserbskem gymnaziumje była a jo mjaztym teke juž někotare serbske krotkofilmy wjerśeła. Zachadnu sobotu jo wóna swóju prědnu solo-wustajeńcu z wobrazami wótwóriła. Wóna jo južo něga w šulskem casu kśěła w galeriji Fango wustajiś a něnto skóńcnje jo směła to do statka stajiś.
Ale cogodla a kak dokradnje ma Maja něnto wuměłstwo na ruce? Wóna ma nowy tattoo. Hella jo jej raz póbitowała ju tetowěrowaś a jo směła sebje motiw wuzwóliś z jeje motiwow a skicow. A mólba wót njeje jo se jej slědkoju tak spódobała, až jo wóna groniła: Z teje mólby tebje skicu za tattoo gótujom. A na instagram jo to něnt wiźeś było: wó tom, kak Hella našu Maju tetowěrujo, dajo něnto hyšći dalšnu mólbu. A to móžośo se teke w galeriji woglědaś. Kak jo něnto k tomu pśišło, až jo ta wustajeńca tak krotkodobnje nastała? Kolektiw Wakuum jo Helli pomogał. Su rozdźělili plakaty a pla Instagrama a Facebooka wabili. Galerija Fango jo městno póbitowała a Swobodny Społk, młode serbske drustwo za serbske wuměłstwo a kulturu, jo wšykno pódpěrował a realizěrował.
Ale dajo hyšći druge zajmne wěcy: 6. nowembra budu Aftershow-party za Chóśebuski filmowy festiwal w Galeriji Fango zarědowaś. Budu teke serbske wuměłce graś.