Domowina Preis 2022 - Myto Domowiny 2022
Wót lěta 1991 Domowina kužde lěto nazymu pócesćijo angažerowanych cłonkow za jich cesnoamtske źěło na pólu serbskeje rěcy, kultury, stawiznow, za dobre ideje a aktiwity za serbsku pógromadnosć.
Seit 1991 ehrt der sorbische Dachverband Domowina engagierte Mitglieder für ihre ehrenamtliche Arbeit und Aktivitäten auf dem Gebiet der sorbischen Sprache, Kultur und Geschichte.
Pětk su se w Serbskem domje w Budyšynje pśepódali lětosne myto Domowiny a cesne znamuška. Pócesćenje jo wuraz pśipóznaśa za angažerowanych cłonkow Domowiny, kótarež se procuju wó serbsku rěc, stawizny a kulturu. Marja Elikowska-Winklerowa jo se na zarědowanju wobźěliła, z někotarymi wobźělonymi rozgranjała a wam wó tom wjerašku w pśinosku powěźijo.
Z lětosnym głownym mytom Domowiny w mjenju župy Dolna Łužyca su pócesćili Waltraud Ramotowu z Wětošowa. Ze Žylowa póchadajuca Serbowka jo se cas žywjenja z cełeju wutšobu za to serbske angažerowała.
Cesne znamuška su dostali: Renata Pawlowa ze Šejnejdy, Günter Pawliš z Lubochowa a Andre Wenzke z Groźišća.
Statny sekretaŕ pśi ministaŕstwje za wědomnosć, slěźenje a kulturu, a krajny zagronity za serbske nastupnosći Tobias Dünow jo pócesćonym pósłał list z glukužycenjami. Ten jo kuždemu referent Měto Nowak w jogo mjenju pśi zarědowanju wósobinski pśepódał.
Tenraz jo swěźeńske zarědowanje muzikaliski wobrubiła spiwaŕka z Dolneje Łužyce, Kati Sprigode.
Im Haus der Sorben in Bautzen wurden die diesjährigen Domowina Preise und Ehrenabzeichen überreicht.
Aus der Niederlausitz erhielt Waltraut Ramoth aus Vetschau den Domowina Preis. Die aus Sielow stammende Sorbin engagiert sich zeit ihres Lebens mit viel Leidenschaft für das Sorbische.
Domowina Ehrenabzeichen für die Niederlausitz gingen an Renate Paul aus Schönhöhe, Günter Paulisch aus Lubochow und Andre Wenzke aus Grötsch.