Advents-Gottesdienst in Wüstenhain - Serbsko-nimska namša w Huštanju
Na iniciatiwu domowniskego towaristwa w Huštanju jo w starej cerkwicce ze 19. stolěśa wótměła dwójorěcna serbsko-nimska adwentska namša.
Auf Initiative des dortigen Heimatvereins fand in der historischen Dorfkirche in Wüstenhain ein wendisch-deutscher Gottesdienst statt.
Wušej 70 namšarjow jo pśichwatało.
Wjele zajmcow jo namšu w Huštanju na drugej adwentnej njeźeli pśigótowało a wugótowało. Na iniciatiwu tamnjejšego domowniskego towaristwa. Pśez namšu stej wjadłej faraŕ Scheufele a lektor Hartmut Leipner, wón jo na serbske prjatkował. Wušej 70 namšarjow jo pśichwatało. Źiśi su pśednjasli scenu "Rozgrono zapałki ze swěcku", spiwaŕki Dolnoserbskego seksteta su zanjasli serbske gódowne kjarliže, wušej togo solistka Kati Sprigode zaspiwała. Na namšy jo grał Tym Šmyt. Dujaŕska kapała z Limbarka jo namšu muzikaliski wobrubiła a teke pśi kafeju pó namšy grała. Ewangelium jo cytał Hannes Wilhelm-Kell. Spiwali a bjatowali su namšarje na nimski a serbski. Namšarje su byli gnute a su wšym, ak su namšu wugótowali, se źěkowali z pśiklaskom.
Huštań jo źěl gmejny Wětošow.
Za tym ako jo se cerkwja w Huštanju 1860 wótpaliła, su ju wobnowili. 1970 jo se dejała wjas Huštań a wokolne jsy wótbagrowaś, spušćona cerkwja jo była zanjeroźona a wobrosćona. Pó pśewrośe su wejsanarje cerkwju wobnowili. Bóžko feluju hyšći orgelowe fejfki, kótarež su do drugeje cerkwje dali. Ale žywjenje we wósaźe jo kradu agilne.
Lieder und Gebete in wendischer und deutscher Sprache
Mehr als 70 Besucher kamen am 2. Adventssonntag in die Wüstenhainer Dorfkirche zum wendisch-deutschen Gottesdienst mit Pfarrer Scheufele und Lektor Hartmut Leipner. Kinder führten ein kleines Stück auf, Weihnachtslieder wurden von Sängerinnen des Niedersorbischen Sextetts dargeboten, Sängerin Kati Sprigode und Organist Tim Schmidt traten auf, die Bläsergruppe Limberg umrahmte Gottesdienst und Kaffeetafel danach musikalisch.