Vogelhochzeitsfeier in der Kita Sielow (Quelle: rbb)

30 Jahre Sorbischer Schulverein - 30 lět Serbske šulske towaristwo

Glědamy wósebnje raz na Serbske šulske towaristwo. To ma wěcej pśicynow, kenž se lětosa w januarje nakopickuju. Su wuzwólili nowe pśedsedaŕstwo - až na jadnu paršonu jo se cełe pśedsedaŕstwo wobnowiło. A towaristwo jo měł 30. jubilej. Za nas dosć góźbow, aby Serbske šulske towaristwo raz wobšyrnje pśedstajili.
Der Sorbische Schulverein konnte im Januar sein 30-jähriges Jubiläum feiern. Auch im Januar gab es Vorstandswahlen, ein Generationswechsel an der Spitze fand statt. Für uns Grund genug, den Träger sorbischer Witaj-Kitas näher vorzustellen.

Serbske šulske towaristwo z.t. jo nosaŕ serbskich a Witaj-źiśownjow, partnaŕ za wše kubłańske nastupnosći Serbow w Sakskej a Bramborskej, fachowy gremium a partnaŕ pśi jadnanjach z ministarstwami a tak rozsudnje zapśěgnjony do wuźěłanja kazniskich ramikow za pśedšulske, šulske a uniwersitne kubłanje a wótkubłanje. Towaristwo jo teke cłonk źěłowych kupkow a politiskich gremiumow w Sakskej a Bramborskej a wudawaŕ starjejšynych listow, źěłowych materialijow a wuknjeńskeje software nowa web-strona SŠT www.dyrdomdej.de. Wón wugótujo zmakanja, konferency, familijowe swěźene atd. a jo nosaŕ projektow ako olympiady serbskeje rěcy, wuběźowanja w serbskej rěcy abo rěcnych prozninskich lěgwow.

Towaristwo jo nastało w casu pśewrośenja. Wažny pśikład jo jim było dańske šulske towaristwo. Pśi wuwiśu Witaj-projekta su wuknuli wjele wót Bretonow. Zgromadnje z Janom Bartom a serbskimi institucijami su natwarili prědnu Witaj-źiśownju we Žylowje z mjenim "Mato Rizo". Serbske šulske towaristwo jo teke nosaŕ "Wile Kunterbunt" w Chóśebuzu. Dłujkolětna wjednica teje źiśownje jo była Manuela Drinkmanowa, wót 1. februara pśewzejo wjednistwo Mila Zachariasowa. Wóna jo fachowa póraźowaŕka Serbskego šulskego towaristwa za WITAJ.
Šulske towaristwo ma wót 23. januara nowe wjednistwo. Załožaŕka towaristwa a pśez ceły cas teke pśedsedaŕka Ludmila Budarjowa njejo lětosa wěcej kandiděrowała. Až na jadnu paršonu jo se cełe pśedsedaŕstwo wobnowiło. Nowa pśedsedaŕka jo Katharina Jurkowa z Hórkow. Dalej su do pśedsedaŕstwa Serbskego šulskego towaristwa wuzwólili dweju zastupujuceju pśedsedarjowu, stej Beno Hojer (referent w Sakskem ministaŕstwje za kultus) a Jennifer Dünnbierowa (wucabnica na Dolnoserbskem gymnaziumje w Chóśebuzu). Dalšne nowe wuzwólone cłonki pśedsedaŕstwa SŠT su z Górneje Łužyce Alena Hiccyna (wucabnica na Serbskem gymnaziju Budyšyn), Diana Wowčerjowa (wucabnica na Serbskej wušej šuli Radwor), Jan Rjeda (wucabnik na Serbskej wušej šuli Ralbicy) ako teke Roman Grzyb (wucabnik na Serbskem gymnaziju Budyšyn). Z Dolneje Łužyce su Kathleen Komolcynu (diplomowa zawodowa góspodaŕka) wuzwólili do nowego pśedsedaŕstwa.
Wěcej informacijow dostanjośo teke w našych pśinoskach ku tej temje.
Wó Serbskem šulskem towaristwje wobšyrnje rozpšawijo naša reportaŕka Ines Neumannojc w dlejšej reportažy.

Sorbischer Schulverein (SSV)

Der Sorbische Schulverein wurde am 5. Januar 1991 in Crostwitz (Oberlausitz) gegründet. Er vertritt die Interessen der Sorben und Wenden auf dem Gebiet der Vorschulerziehung und des Bildungswesens von den Grundschulen über die Mittelschulen und Gymnasien bis zur Universität. Der SSV ist anerkannter Träger von drei sorbischen Kindertagesstätten sowie vier Witaj-Kindertagesstätten u.a. in Cottbus/Chóśebuz-Sielow/Žylow und Cottbus/Chóśebuz-Mitte) mit mehr als 600 Krippen-, Kindergarten- und Hortkindern.
Der Sorbische Schulverein e.V. hat das Modellprojekt Witaj nach der Idee des bretonischen DIWAN-Modells in Frankreich (KELLEN) zur Förderung und zur Revitalisierung der sorbischen (wendischen) Sprache entwickelt und in der Praxis eingeführt.
Der Verein ist Ansprechpartner für alle Bildungsangelegenheiten der Sorben und Wenden in Sachsen und Brandenburg und fungiert als Fachgremium und Verhandlungspartner für Ministerien und Institutionen.
Im 30. Jahr seines Bestehens wurde ein neuer Vorstand gewählt. Die Mitbegründerin des Vereins und langjährige Vorsitzende Ludmila Budar kandidierte in diesem Jahr nicht mehr.
Mehr über den sorbischen Bildungsträger erfahren Sie in unseren Beiträgen und in einer Reportage von unserer Reporterin Ines Neumann.