Literarny salon w Chóśebuzu / Literatursalon in Cottbus
Jo to nimska rěc? Tak pšawje nic. Błośańska narěc słuša pópšawem k dolnonimskej rěcy (Platt), ma tu a tam serbski wliw a kaž serbska rěc jo kradu wobgrozona. Literarny salon "Sowhol als auch" w Chóśebuzu pósćijo źinsajšny wjacor toś tej narěcy a to na źinsajšnem dnju knigłow. Pódla buźotej Brigitte König a pěsnjaŕ Bernd Pittkunings. Błośańska narěc w tšojenjach, basnjach a spiwach - zeger 18.00 w kafeju Zelig w Chóśebuzu. Zastup jo lichy.
+++
Filmowy rěd startujo / Reihe "Sorbische Filmlandschaften"
Nowy filmowy rěd "Serbske filmowe krajiny" w Pódstupimje dajo póglěd do serbskego filmowego derbstwa. Esejstiski film "STRUGA - Bilder einer Landschaft" wót Tonija Bruka pó teksće Kita Lorenca słuša ku tym bźezcasnym klasikarjam serbskego filma. 15 lět pó nastaśu filma pśiźo pódwjacorny režiser do NDR a zmaka serbskego kolega. Akle pśed krotkim zasej nadejźona reportaža wó tom zmakanju "Mit Struga fing es an" jo jadnorazne znankstwo wó źěle serbskich filmarjow w NDR. Wobej filma stej wiźeś pětk w Nimskem historiskem muzeju w Barlinju. Wšykne terminy filmowego rěda w seśi pód www.dhm.de
+++
W swójskej wěcy / rbb Dokumentation
rbb24/reportaža jo jadno lěto pó znatecynjenju pšawicaŕskich padow zasej w Bórkowach. Kókulate kśicy na šulskich ławkach, hitlerowe póstrowy na šulskem dwórje a wucabniki glědaju pśec. To jo był skandal, ak jo w cełej Nimskej furoru cynił. Ceptarjowu, ak stej do zjawnosći šłej, su wugónili. rbb team co lěto pózdźej wěźeś, kak wuglěda źinsa w šuli? Jo dało reformy? Kak se źo wuknikam? Film jo wiźeś zinsa 20.15 w rbb, južo wót zeger 17.00 w ARD awdiotece.
+++
Projekt "Nježli až wótejźoš" / Projekt "Bevor Du gehst"
Hyšći pśed někotarymi lětami su wóni pregowali wobraz Łužyce: serbske žeńske w drastwje. Źinsa jo drastwa skóro z wejsnego wobraza zajšła. Samo w serbsko-katoslkich jsach jo jich jano hyšći žaseś, wšykne starše ako 80 lět. Projekt "Nježli až wótejźoš” dajo jim hyšći raz jaden głos. W gnujucej inscenaciji Serbskego ludowego ansambla z tekstami Róže Domašcyneje, cytane wót Hanki Rjelccyneje a z muziku Měrćina Weclicha a drugich komponistow móžośo jich hyšći raz wiźeś a zeznaś. Ten tyźeń pětk zeger 19.00 we wejsnem domje w Myšynje.
+++
Lubin pyta muzikarjow / Lübben sucht Musiker
Město Lubin wuwołaju za swój 25. jubilej ako statnje pśipóznate wódychanišćo wšyknych wuměłcowkow a wuměłcow na droze muziku cyniś. Wšo jadno, lěc maśo band, lěc spiwajośo abo rejujośo. Wšo dej byś móžno. Do kóńca maja móžośo se pśi měsće pśizjawiś.