Pśed 30 lětami jo se w Dolnej Łužycy załožyło Spěchowańske towaristwo za serbsku rěc w cerkwi. 30 lět procujo se to spěchowańske towaristwo za to serbske. Mjaztym njamóžoš sebje statkowanje w serbskem wósadnem žywjenju bźez togo towaristwa mysliś. K swójomu jubileju pokažo towaristwo we klubowni Serbskego doma w Chóśebuzu wustajeńcu. Źinsa zeger 18.00 buźo swětosna vernisaža k tej wustajeńcy, kenž źěło a wugbaśa towaristwa pśedstajijo. Wustajeńca jo nastała we kooperaciji ze serbskeju kulturneju informaciju LODKA a ze Šulu za dolnoserbsku rěc a kulturu.