Šejnejda, ta mała wjas pla Maznikojskego jazora, jo wupłoźiła wšake serbske wósobiny. Fryco Rocha jo drje nejwěcej znata. Na Rochy tam źinsa hyšći spomina tofla pśi jogo rodnem domje. Pśed 110 lětami jo se w Šejnejźe teke dalšna wósoba naroźiła. Mjertyn Lejnik jo se jomu groniło, a wón jo był rowno tak ako Rocha ceptaŕ. Pjerwjej w Barbuce, potom bejnych lět w Žergonju. How jo zastojał wušej togo syrotownju. Wón jo był mimo měry pobožny luź. Wjele lět jo Lejnik teke do Casnika pisał a wosebnje wšake duchowne kjarliže sam wuźěłał abo pśełožył. Ale jo teke basnił. Słyšyśo jogo baseń "Nalěto". Cyta Hanelora Handrekojc:
Nalěto - baseń wot Mjertyna Lejnika

Schönhöhe, ein kleines wendisches Dorf, brachte einige sorbische Persönlichkeiten hervor. Fryco Rocha ist wohl der bekannteste, eine Gedenktafel an seinem Geburtshaus erinnert an ihn.
Vor 110 Jahren wurde Mjertyn Lejnik in Schönhöhe geboren. Wie schon Rocha war auch er Lehrer, erst in Bärenbrück, später in Sergen. Viele Jahre schrieb er Artikel für den niedersorbischen Casnik, schuf und übersetzte geistliche Lieder. Und er schrieb Gedichte. Sein Frühlingsgedicht interpretiert Hannelore Handreck.

Mimo jo zymskego drjemanja noc - z tymi słowami zachopijo se znata baseń "Nalěto" wót Miny Witkojc. Pó kalendarju jo pśichwatał nam nalěto. Tekst wót Witkojc wuraznijo z rědnučkimi rěcnymi wobrazami naźeju jadnogo luźa, kenž jo ceło wědobnje hyšći z naturu žywy.
Dalšny tekst, samskego raza, pśiwobrośijo se małej rostlince, ako jo nam pósołka nowego lětnego casa. Handrij Zejler jo spisał "Chwalona buź fijałka", znatu ariju Kocorowego oratoriuma. Słyšymy wobej teksta w našej rubrice literatura tyźenja. Cytatej Christiana Piniekowa a Kamil Torquint.
Nalěto/Chwalona buź fijałka

Heute stellen wir zwei Werke der Klassiker sorbischen Literatur vor: Mina Witkojc und Handrij Zejler. Witkojc beschreibt mit schönen Sprachbildern die Hoffnung eines Volkes, das noch ganz bewußt mit der Natur lebt. Handrij Zejler widmet sich in seinem Text einem kleinen Frühlingsboten, dem Veilchen.