Quelle: rbb
Sorbische Live-Musik

Musik/Thema der Woche - muzika/tema tyźenja

W tej rubrice pśedstajijomy Wam za jaden tyźeń wósebnu cejdejku, wósebnych wuměłcow/kow, literaturu abo muzikowe temy. W našom wšednem wusćełanju spiwy k tomu grajomy.
In dieser Rubrik stellen wir besondere CDs, Künstlerinnen und Künstler, Literatur oder spezielle Musikthemen vor. In unserem täglichen Programm präsentieren wir dann Musiktitel dazu.

13.11. - 19.11.2023
Pětš Janaš - 90. pósmjertne narodniny

Ten tyźeń spominamy na serbskego ceptarja, publicista a pśełožowarja Pětša Janaša z Chóśebuza. Njeźelu, 19. nowembra, wrośiju se jogo 90. pósmjertne narodniny.
W temje tyźenja słyšyśo basni a literaturu, kótarež su Pětšoju Janašoju na wutšobje lažali.

Pětš Janaš

In memoriam: Klaus-Peter Jannasch 90 Jahre

In dieser Woche widmen wir uns unter dem Motto "Literatur der Woche" dem Schaffen des sorbischen Pädagogen, Publizisten, Schriftstellers und Übersetzers Klaus-Peter Jannasch aus Cottbus, der am 19. November seinen 90. Geburtstag hätte.

 

Muziki a informacije / Musik und Informationen

rbb

Mato Kosyk - "Cowanja wóstanu"

Cas swójogo statkowanja jo se Pětš Janaš zaběrał z dolnoserbskeju literaturu, jo se wó to starał, až stej mjenja kaž Mato Kosyk abo Mina Witkojc njezabytej. Krotko pśed swójej smjerśi jo Pětš Janaš wuznam teju wósobowu za sebje wuraznił tak:
Pětš Janaš wó wóznamje Mata Kosyk a Miny Witkojc
 Źinsa słyšyśo tekst "Cowanja wóstanu" wót Mata Kosyka. Cyta Jurij Koch.

 

Heimatstube Burg (Spreewald)

Źowcyna skjaŕžba

Ceptaŕ jo był Pětš Janaš někotare lěta w Bórkowach. How jo teke zeznał Minu Witkojc. Za jeje literaturu jo se kradu zajmował a wjele za to cynił, až jeje basnje teke w nimskich krejzach wótgłos dostanu. Wuraz togo su jogo priwatnje wudane kniglicki "Žowcyna skjaržba - Mädchens Lied". Pětš Janaš sam wulicujo wó nastaśu.

 

rbb

Pětš Janas: Fryco Rocha

Wudawaŕ a pśełožowaŕ Pětš Janaš jo powědał cas žywjenja wó tšojosći dolnoserbskeje literatury. Měnił jo nejwažnjejše literaty Mata Kosyka, Minu Witkojc a Fryca Rochy. Rochowe teksty jo wudał zgromadnje z Rolandom Martiom w knigłach "A pó zemi libju te strusacki". Janaš jo ekstra za to Rochowe basni do nimskeje rěcy pśestajił. W našej temje tyźenja dajomy Janašoju k jogo 90. pósmjertnemu narodnemu dnju hyšći raz to grono: Cogodla jo było jomu to pśestajenje Rochowych tekstow take wjasele.

 

imageBROKER

Pětš Janaš cyta Shakespeare

Sćo Wy juž raz serbski basnili, małku basnicku napisali? Nic tak lažko, to se myslim. Z drugeje rěcy baseń pśestajiś, to jo ceło druge mejstaŕstwo. Musyš ga zmysł rowno tak wobchowaś ako natwar, rym, pśizuk a tak dalej. Jaden ak jo to mógał, jo był Pětš Janaš. Jogo mejstaŕstwo w pśebasnjenju do a ze serbskeje rěcy njejo jomu pak do klina padnuła. Pětš Janaš how sam wulicujo krotku epizodu, kak jo pśišeł k serbskej rěcy:
Pětš Janaš: kak jo pśišeł k serbskej rěcy
Janaš jo akle w šuli górnoserbski, pón pózdźej w Bórkowach dolnoserbski nawuknuł. Stakim jogo literariske kmanosći su płod dłujkego procowanja. Snaź motiwacija za wšych źinsa, akle hyšći wuknu a se teke raz zwěriś kśě jaden Shakespeare do dolnoserbšćiny pśednosyś. Pětš Janaš jo to mógał, ako how słyšyśo - pjerwjej engelski a pón serbski.

 

Jan Pauls

Pětš Janaš cyta: Mały princ

W prědnem rěźe jo Pětš Janaš był ceptaŕ. Jo wucył w Bórkowach, w Dešanku, jo natwarił źěłanišćo za serbske kubłańske wuwijanje Chóśebuz ABC a teke statkował dłujko w serbskem ceptaŕskem instituśe w Budyšynje. Tam jo generacijam Serbšćinarjow rucnikaŕski rěd za źěło w šuli sobu dał. Kak źiśam serbsku rěc pśibližyś? Se wě teke pśez źiśecu literaturu. Janaš jo wšake źiśece teksty do dolnoserbšćiny pśestajił. K nim słuša teke swětowa literatura: to guslowaŕske tšojenje wokoło małego princa, kogož jo awtor zmakał skóro zgubjony w dalokej pušćinje. Knigły su wujšli w lěśe 2010. Co jo Janaša k tomu pógnuło?
Pětš Janaš wó Małem princu
Słyšyśo how něco wót zachopjeńka knigłow, źož awtor, ten zabłuźony pilot prědny raz pózmakajo togo małego princa.

 

Gemeinde Werben

Pětš Janaš wó Kosyku

Źinsa pśed 90 lětami jo se naroźił serbski ceptaŕ, pśełožowaŕ a wudawaŕ Pětš Janaš. Smy ten tyźeń wulicyli wó jogo statkowanju w serbskej literaturje a wó jogo źěle ako pśełoźowarja.
Krotko do swójeje smjerśi 2021 jo Janaš sobu wudał kniglicki z basnjami Mata Kosyka, z mejstaŕstwom pśebasnjone do nimskeje rěcy. Do kóńca jo se Janaš procował, wědu wó tšojosći klasiskeje dolnoserbskeje literatury: Rocha - Witkojc - Kosyk rozšyrjaś. Sam jo był pak skerjej desilusioněrowany a wobtužony, až njejo serbšćina dožywiła w jogo casu swójo wóžywjenje. W jadnom wusćěłanju wó Kosyku my to źinsa hyšći derje wusłyšymy. Janaš wulicujo wó slědnych lětach Mata Kosyka w Americe.

slědkglědanje/ Rückschau

In-Ear Kopfhörer steckt in einem Frauenohr (Bild: rbb/Lucia Hennerici)
rbb

- muziku słuchaś/ Musik nachhören

How móžośo słuchaś a wólodowaś "muziku tyźenja" slědnych mjasecow
"Musik der Woche" der letzten Monate anhören oder downloaden

Kontakt

Colourbox

Ihr E-Mail an uns

Unsere Kontaktdaten:

rbb/Studio Cottbus
Sorbisches Programm
Berliner Straße 155
03046 Cottbus
Telefon: (0355) 14 39 171
Telefax: (0355) 14 39 179
Mail: sorben@rbb-online.de