Quelle: rbb
Sorbische Live-Musik

Musik/Thema der Woche - muzika/tema tyźenja

W tej rubrice pśedstajijomy Wam za jaden tyźeń wósebnu cejdejku, wósebnych wuměłcow/kow, literaturu abo muzikowe temy. W našom wšednem wusćełanju spiwy k tomu grajomy.
In dieser Rubrik stellen wir besondere CDs, Künstlerinnen und Künstler, Literatur oder spezielle Musikthemen vor. In unserem täglichen Programm präsentieren wir dann Musiktitel dazu.

infos im www

28.08. - 03.09.2023
Šula se zachopijo

28. awgusta se w Bramborskej zachopijo zasej nowe šulske lěto. Wšykne źiśi, kótarež budu 30. septembra 6 lět stare, se w tom samem lěśe zašuluju. W Bramborskej jo lětosa 25.000 nowackow! To jo 8.000 wěcej ako łoni.
Kak wjele źiśi wuknjo serbsku rěc w šuli, wóbźělijo se na serbskej wucbje, móžo šulski amt akle někak srjejź septembra groniś, gaž šule swóje licby na amt daju. Což ale jo na kuždy pad znate za nowe šulske lěto jo, až wšuźi w kraju ceptaŕki a ceptaŕje feluju. W Bramborskej jo jich někak 500 městnow, kótarež njejsu wobsajźone. Pśi tom jo ministerium 490 wótnabócnikow (Seiteneinsteiger) pśistajiło, weto 500 felujo. Kótare města a wokrejse, kótare šule a kótare pśedmjaty wót togo pótrjefjone su, stoj na internetowem boku ministeriuma za kubłanje, młoźinu a sport.

Musik zum Schulstart

Am 28. August 2023 beginnt in Brandenburg wieder das neue Schuljahr. Alle Kinder, die bis 30.09. 6 Jahre alt werden, werden in diesem Jahr eingeschult. In Brandenburg gibt es dieses Jahr 25.000 Schulanfänger. 8.000 mehr als im vorigen Jahr.

Muziki a informacije / Musik und Informationen

Anke Waelischmiller/Sven Simon

Do šule (Kake jo to wjasele)

2013 jo Domowina župa Dolna Łužyca wudała ze spěchowanim pjenjez wót VATTENFALL źiśece spiwy. Pód titelom "Słyńco grějo, spiw nam znějo", stare a nowe spiwańka za źiśi, jo na cd 18 jadnorych spiwow za źiśi. Wětšy źěl jo komponěrowała a wšykne spiwy wobźěłała Oksana Weingardt. W spiwach źo wó źiśecy swět, grajki, zwěrjeta, pśirodu.
K cd jo pśidany zešywk z notami a tekstami a jadnorym pśewóźowanim za klawěr a akordami za gitaru. Tak jo móžno teke lažko spiwanje ze źiśimi z instrumentom pśewóźowaś. Za cd su spiwali źiśi zakładneje šule "Astrid Lindgren" a Dolnoserbskego źiśecego a młoźinskego ansambla.
Tekst źinsajšnego spiwa jo napisała Hilda Kutšankowa, kótaraž jo wjele lět była zagronita za źiśecy casopis "Płomje", a teke za njen jo cesćej basniła. Toś ten spiw pokazujo na wažny kšac za te wětše źiśi: gaž pśidu do šule.
Kake jo to wjasele:
Chójźim něnto do šule!
Wuknjom pisaś, mólowaś,
licyś, cytaś, sportowaś.
Z kuždym dnjom, to wěŕśo mě,
budu pitśku mudrjejšy!

2013 hat der Regionalverband Niederlausitz der Domowina mit Förderung von Vattenfall Kinderlieder herausgegeben. Unter dem Titel "Die Sonne scheint, die Welt erklingt", alte und neue Lieder für Kinder, sind es 18 einfache Kinderlieder, bearbeitet von Oksana Weingardt. Die meisten komponierte sie selbst. In den Liedern geht es um die Kinderwelt, Speilzeug, Tiere, Natur.
Als Beilage zur CD gibt es ein Notenheft mit einfacher Klavierbegleitung, Akkorden für Gitarre und Texten. Wer will, kann so die KInder beim Singen begleiten. Für die CD Aufnahmen sangen Kinder der Astrid-Lindgren-Grundschule und des Niedersorbischen Kinder- und Jugendensembles.
Den Text für das Lied "In die Schule" schrieb Hilde Kutschank, die viele Jahre für die Kinderzeitschrift "Płomje" zuständig war. Oft hat sie auch für die Zeitschrift gedichtet. Das heutige Lied erzählt über den wichtigen Schritt der Kinder, die in die Schule kommen.

 

rbb

Glědaj sam, co ja mam!

Słodke tutwaki su južo źiśi dostali a wšake teke zawěsće wopytali. Ale něnto se zachopijo wucba. Kuždy źeń. Chtož wóstanjo ceły źeń w šuli, dejał měś teke skibku sobu a něco k piśeju.
W prědnych lětach wuzgónjuju źowća a gólcy wobłuki swójogo žywjenja. Južo w zakładnej šuli wuknu zgromadnje źěłaś a socialne kontakty woplěwaś. Teke sport, muzika a wuměłstwo su wažne pśedmjaty za tych małkich.
Nowacki zachopiju wuknuś w šuli pisaś a cytaś. To dej jim wjasele cyniś. Dolnoserbski źiśecy ansambel zanjaso spiw "Glědaj, co ja mam!" - Co ja wšykno za wucbu trjebam. Na tekst Ingridy Nagloweje jo Jan Paul Nagel napisał melodiju.

Die Zuckertüten sind verteilt und ausgekundschaftet. Jetzt geht es aber mit demtäglichen Unterricht los. Da sollten die Eltern so an einiges denken. Wer den ganzen Tag dort bleibt, sollte Brotdose und Trinkflasche dabeihaben.
Die Schulanfänger werden unterrichtet in Deutsch, Mathematik und Sachunterricht. Schon in der Grundschule lernen die Kinder, Sachbereiche der eigenen Lebenswelt erkunden. Es wird ihnen vermittelt, wie sie gemeinsam arbeiten können, dabei wird im Sachunterricht soziale Kooperation gezielt gefördert. Auch Kunst, Musik, Sport, Werken und Gestalten gehören zu den Unterrichtsfächern in der Grundschule.
Die Schulanfänger werden an das Schreiben und Lesen herangeführt. Dabei sollen sie Freude haben. Das Niedersorbische Kinderensemble singt das Lied "Schau, was ich habe!". Zum Text von Ingrid Nagel schrieb Jan Paul Nagel die Melodie.

 

rbb/Sorbische Redaktion

Z kólasom do Błotow

1981 jo se ku góźbje kongresa Domowiny załožył Dolnoserbski źiśecy chor. Pózdźej jo z njogo nastał Dolnoserbski źiśecy ansambel z rejowaŕskeju kupku a chorom. Ako jadnučki togo raza jo woplěwał rěcne a kulturne derbstwo Serbow w Dolnej Łužycy. W swójom repertoire jo měł šyroku paletu spiwow: źiśece, ludowe abo kjarliže znatych serbskich komponistow ako Bjarnat Krawc, Korla Awgust Kocor, ale teke nowe kompozicije.
Dolnoserbski źiśecy ansambel jo wustupował na wšyknych wažnych serbskich zarědowanjach we Łužycy, jo spiwał na serbskich namšach, ale teke w Českej a Pólskej. Ceły rěd nagrawanjow za serbski rozgłos, serbski spiwnik abo cd dokumentěruju jogo šyroko zapołožone statkowanje za to serbske.
Spiw "Z kólasom do Błotow" wobspiwujo rědnosć serbskeje domownje, Dolneje Łužyce. Komponěrował jo jen muzikaŕ Horst Kašube, kótaryž jo teke znaty pśez kapału Zaspicke Dixieland muzikanty. Spiwa Dolnoserbski źiśecy ansambel.

Das Niedersorbische Kinderensemble entstand als Nachfolger des 1981 gegründeten Niedersorbischen Kinderchores. Als einziges dieser Art pflegte es über Jahre das sprachliche und kulturelle Erbe der Sorben/Wenden in der Niederlausitz. Im Repertoire hatte es Kinder-, Volks- und Kirchenlieder bekannter sorbischer Komponisten wie Bjarnat Krawc, Korla Awgust Kocor aber auch neue Werke.
Das Niedersorbische Kinderensemble trat bei allen wichtigen sorbischen/wendischen Festen aber auch in Polen auf und begleitete auch wendische Gottesdienste. Viele Aufnahmen für den sorbischen Rundfunk, ein Liederbuch und CDs dokumentieren seine breit gefächerte kulturelle Wirkung.
Das heutige Lied "Mit dem Fahrrad in den Spreewald" besingt die Schönheit unserer wendischen Heimat, der Niederlausitz. Komponiert hat es Horst Kaschube, bekannt durch die Saspower Dixieland Stompers. Es singt das Niedersorbische Kinderensemble.

Download (mp3, 2 MB)
rbb/Jan Urbanski

Narske wen do swěta

Serbska rozšyrjona wuša šula w Chóśebuzu a pózdźej Dolnoserbski gymnazium jo znaty teke pśez zwenkašulske statkowanje wuknicow a wuknikow. How jo muzicěrował šulski orchester, jo wustupowała rejowańska kupka a se wě teke chor. Z chorom jo wjelgin wusko zwězana něgajšna wucabnica za muziku Waltraud Stoltowa. Serbski šulski abo ceptaŕski chor pód jeje nawjedowanim jo žedne serbske kulturne wjeraški wobogaśił. Pó 37 lětach źěła w šuli jo Waltraud Stoltowa šła 2021 na wuměńk. Jeje spiwy su pak wóstali w repertoire šulskego chora a někotare teke ako nagrawanja. Tak na pśikład nowšy spiw skomponěrowany pśez Siegberta Himpela z Gołkojc "Narske wen do swěta". Młodostne se wupóraju narske do swěta, kśě drogowaś, wjele wuzbadaś, ale na swóju serbsku domownju njezabydnu. Tak spiwaju něgajšne wuknice a wukniki Dolnoserbskego gymnaziuma.

Die Sorbische Erweiterte Oberschule in Cottbus, später das Niedersorbische Gymnasium, ist auch durch das Wirken der Schülerinnen und Schüler außerhalb des Unterrichts bekannt. Hier gab es ein Orchester, eine Tanzgruppe und einen Chor. Mit dem Chor eng verbunden ist die ehemalige Musiklehrerin Waltraud Stolte. Der Schulchor aber auch der Lehrerchor bereicherten so manche sorbische/wendische Höhepunkte.
Nach 37 Jahren Dienstzeit ging Waltraud Stolte 2021 in den Ruhestand. Ihre Lieder blieben jedoch im Chorrepertoire erhalten und manche sogar als Aufnahmen wie z. B. das Lied von Siegbert Himpel aus Kolkwitz "Gespannt in die weite Welt". Die Jugendlichen zieht es in die Ferne, sie wollen wandern, vieles erkunden, aber ihre Heimat, die Niederlausitz werden sie nicht vergessen. So singen ehemalige Schülerinnen und Schüler des Niedersorbischen Gymnasiums.

Download (mp3, 4 MB)
rbb

Lutki

Źiśi słuchaju rad na tšojeńka a bajki. We Łužycy su to teke serbske powěsći a z nich zgóniju wšake wó swójej domowni. Rad figury móluju a basle.
Powěsćowe figury symbolizěruju wobraz žywjenja serbskich burskich luźi něga. Kak su źěłali, se žywili, swěśili. Wjelgin woblubowane su lutki. Słušaju ga k tym dobrym a pomocniwym stwórbam. Su pomagali luźam, gaž su se te měli śěžko a njejsu mógali doźěłaś. Tak jo to teke w pśiducem spiwje. Melodiju jo napisał Kśěsćan Młynk, znaty teke z mjenim "James". Wón jo był legenda na gitarje, komponist a producent, pupkowy grajaŕ. Bóžko jo kradu jěsno ze 45 lětami njezjapki zemrěł. Tekst za spiw wó lutkach jo zbasnił Werner Měškank. Spiw pśednjaso Jana Mjertyngojc z Hochoze. W njom se groni: "Lutki, naše pśijaśele, su tak małke ako my. [...]. Gaž jo mama wjelgin mucna, pśidu lutki pomagat. Pótom wóna jo zas glucna, ma cas z nami, pógrajkaś."

Christian Müller war ein ausgesprochen begabter Musiker, Gitarrist und Komponist. Er wirkte auch im sorbischen Publikum, z. B. mit der Folkloregruppe Judahej. Und für das sorbische Rundfunkprogramm produzierte er mehrere Lieder. Eines davon erzählt über die gütigen Sagenfiguren Lutki, die armen und bedürftigen Menschen zur Hilfe kamen.
Sagenfiguren sind bei Kindern beliebt. Schon im sorbischen/wendische Kindergarten und später in der Schule beschäftigen sich die Kinder mit ihnen.
Das heutige Lutki-Lied (Text: Werner Meschkank) singt die aus Drachhausen stammende Sängerin Jana Merting.

Download (mp3, 867 KB)
Staatstheater Cottbus

Spiw wjasołych źiśi

Slědny raz se źinsa pśiwobrośijomy z našeju muziku tyźenja źiśam. Ma to cyniś ze zachopjeńkom šulskego lěta. Smy južo grali něco wó nowackach, ak budu wuknuś w šuli. Teke wó zaběrach staršych wuknikow, abo wó lutkach.
Se wě, až žycymy wšyknym źiśam, lěc małkim abo wětšym dobry start do šulskego lěta, dobre wuspěchy a wjasele na wucbje. Ale wóni deje teke měś lichy cas za hobyje a drogowanja a druge zaběry.
Wó spokojnych, wjasołych źiśach spiwa něnto Dolnoserbski źiśecy chor. Melodiju jo skomponěrował Jan Paul Nagel, kótaryž jo wót nastaśa chora cesćej něco za źowća a gólcow stwórił. A něnto wóni spiwaju:
Słyńcko lube na nas dołoj swěśi, [...]
Módre kiwaju nam góry, zelena jo nižyna,
lube su nam města, wjaski, ceła naša Łužyca.

Die ganze Woche haben wir unsere Musik der Woche den Kindern gewidmet, die aktuell in das neue Schuljahr starten. Ob groß oder klein, alle haben sich darauf vorbereitet und sicherlich auch gefreut. Wir wünschen allen einen guten Start und viel Freude.
Die Kinderwelt besteht aber nicht nur aus Schule. Kinder spielen gern, malen, basteln, wandern. In dem folgenden Lied wandern sie durch die schöne, vertraute Lausitz. Die Melodie dafür schrieb der bekannte sorbische Komponist Jan Paul Nagel. Es singt der Niedersorbische Kinderchor.

Download (mp3, 1 MB)

slědkglědanje/ Rückschau

In-Ear Kopfhörer steckt in einem Frauenohr (Bild: rbb/Lucia Hennerici)
rbb

- muziku słuchaś/ Musik nachhören

How móžośo słuchaś a wólodowaś "muziku tyźenja" slědnych mjasecow
"Musik der Woche" der letzten Monate anhören oder downloaden

Kontakt

Colourbox

Ihr E-Mail an uns

Unsere Kontaktdaten:

rbb/Studio Cottbus
Sorbisches Programm
Berliner Straße 155
03046 Cottbus
Telefon: (0355) 14 39 171
Telefax: (0355) 14 39 179
Mail: sorben@rbb-online.de