Rückblicke: Film Festival Cottbus - Retrospektiwa: Filmowy festiwal Chóśebuz
Wót 7. do 12. nowembra jo se wótměł festiwal pódzajtšnoeuropskego filma FFC. To jo był lětosa ten 33. togo wjelgin wuspěšnego zarědowanja. Ceły tyźeń jo dał zasej wjelicki nawal w kinach města a centrum Chóśebuz jo swěśił w módrej barwje. Słyšćo how naše rozpšawa.
Das FilmFestival Cottbus ist eines der weltweit führenden Festivals, wenn es um das aktuelle Filmschaffen in Mittel- und Osteuropa geht. Vom 7. bis 12. November gab es drei Wettbewerbe und rund 150 Filme aus 40 Produktionsländern zu sehen. Hier unsere Berichte.
To jo był 33. Filmowy festiwal Chóśebuz / Fazit 33. FFC
Filmowy festiwal Chóśebuz jo něnto mimo. Cas za našu festiwalnu reportaŕku Ines Neumanojc, aby facit śěgnuła.
Pśiducy filmowy festiwal se južo pśigótujo, ten 34. buźo wót 5. do 10. nowembra 2024.
Das 33. Filmfestival Cottbus ist vorbei. Zeit für unsere Festivalreporterin Ines Neumann, ein Fazit zu ziehen.
Zmakanje łužyskich filmaŕkow a filmarjow / Netzwerktreffen Lausitzer Filmschaffender
W ramiku 33. Filmowego festiwala w Chóśebuzu su se teke łužyske filmaŕki a filmarje zmakali. Wó toś tom zmakanju serbsko-nimskeje filmoweje seśi Łužycafilm słyšyśo how w našom telefonaśe ze Sylku Poleńcojc-Laubensteinoweju.
Im Rahmen des diesjährigen FilmFestiwals in Cottbus trafen sich auch Lausitzer Filmemacherinnen und Filmemacher. Über das Netzwerktreffen der Łužycafilm berichtet Silke Pohlenz-Laubenstein.
Mytowanej filma "Serbska utopija" a "Pytaś a namakaś"
Filmowy festiwal jo pśisamem mimo - kóńc tyźenja su pak byli někotare wjeraški ze serbskego boka. Naša festiwalna reportaŕka Ines Neumanojc rozpšawijo.
Wót cesćenja rozpšawimy witśe nadrobnje a teke te mytowane maju pón to słowo.
Źinsa zeger tśich (15:00) slědujo hyšći z rěda Heimat/Domownja/Domizna: nowergski film "Let the river flow – Daś rěka bězy". Tam źo wó lud Samow, kak su chopili na sebje wěriś a kak su chopili se woboraś pśeśiwo znjewužywanja jich kraja pśez cuze a pśeśiwo tomu, až druge jich zajśpiju, dokulaž su Sami. Jaden wjelgin gnujucy film, źinsa we kinje "Weltspiegel".
Am Festivalsamstag wurden im Glad-House sorbische Filme präsentiert und in großer Runde wurde über sie diskutiert. Am Abend erhielten zwei sorbische Filme einen Preis: "Sorbische Utopien" und "Suchen und finden". Ines Neumann berichtet.
Pśeglědka krotkich filmow/Lange Nacht der kurzen Lausitzer
Cora wjacor jo była we Weltspiegelu Dłujka noc krotkich Łužycanarjow. Serbske filmy su byli pśipódla a teke serbski publikum w połnem Weltspiegelu. Ines Neumanojc jo zestajiła pór jich měnjenjow.
Zuschauermeinungen zu sorbischen Filmen bei der Kurzfilmschau des FFC
Serbske filmy na filmowem festiwalu / Sorbische Filme beim FFC
Filmowy festival Chóśebuz caka kóńc tyźenja z wjeraškami za zajmcow serbskich filmow. Naša festiwalowa reportaŕka Ines Neumanojc wě wecej.
Sobotu pósćijo se w ramiku pśedstajenja teju filmowu jadno myto. Hellmuth Henneberg se cesći za swójo statkowanje za serbski film. Lětźasetki dłujko jo wón nawjedował redakciju serbskego telewiznego magacina "Łužyca" wót rbb. Njeźelu a pónjeźele rozpšawimy, kak jo wšykno było a kak jo se luźam spódobało.
33. FilmFestival Cottbus: Sorbische Filme am Wochenende (11./12.11.2023)
Filmowy festiwal: filmowa pśeglědka / FFC: Filmschau
Filmowy festiwal Chóśebuz prezentěrujo źinsa, 9. nowembra, wjacor jaden swójich wjeraškow: Dłujku noc krotkich Łužycanarjow. Naša cineastka Ines Neumanojc wě wěcej.
Filmy budu w kinje "Weltspiegel" w dwěma źěloma. Prědny źěl krotkich filmow wjacor zeger 19:00 a dalšne 21:00. Filmarje budu pódla, rozgrono z nimi buźo móžne.
Wóspjetowanje Dłujkeje nocy krotkich Łužycynarjow buźo za prědny źěl sobotu zeger 10:00 dopołdnja a njeźelu teke zeger 10:00, za drugi źěl a to zasej we Weltspiegelu, ale we małem zalu.
To zgromadne myto wót Šule za dolnoserbsku rěc a kulturu a wót Filmowego festiwala, pósćijo se teke lětosa zasej. Źinsa wjacor do starta filmow se jadna kupka młodych luźi mytujo z toś tym spěchowańskim mytom.
Das 33. FilmFestival Cottbus präsentiert heute Abend einen seinen Höhepunkte: die "Lange Nacht der kurzen Lausitzer" - im Kino "Weltspiegel". Mehr weiß unsere Cineastin Ines Neumann.
Rozpšawa wó wótwórjenju festiwala / Bericht über Eröffnung des 33. FFC
Cora wjacor jo se wótwórił 33. Filmowy festiwal Chóśebuz, festiwal pódzajtšnoeuropskego filma, a to ze serbskim filmow "Pla nas jej gronje Hanka" wót filmaŕki Grit Lemke. Naša redaktorka Ines Neumanojc jo była pódla a rozpšawijo.
Film se pokažo njeźelu hyšći raz na wjelikem jawišću, połdnjo zeger 12:00 w Měsćańskej hali.
To serbske na filmowem festiwalu Chóśebuz buźo teke źinsa wjacor w radioEins talk live, wjacor zeger 19:00 w Měsćańskej hali z Knut Elstermann.
Gestern abend wurde das 33. FilmFestival Cottbus im Staatsheater eröffnet. Auftaktfilm war die Dokumentation "Bei uns heißt sie Hanka" von der Filmemacherin Grit Lemke. Unsere Redakteurin Ines Neumann war dabei. Hören Sie hier ihren Bericht.
07.11.2023: Filmowy festiwal se źinsa wótwórijo. 33. FFC startet heute.
Wótwórjenje 33. Festiwala pódzajtšnoeuropskego filma buźo wjacor na kradu swěźeński part w Statnem źiwadle. Tam buźo wjele mjazynarodnych a narodnych gósći, filmarje a druge wót facha, teke se wě z našogo regiona. A wjelicnje jo, až tam prezentěruju ako wótwórjeński film jaden serbski: "Pla nas gronje jej Hanka". Film wót Grit Lemke swěśi we tom ramiku łužysku premjeru a smy južo tšašnje narske na njogo. Wěmy, až se wjele Serbam tak źo. Za wumarkowanje togo serbskego w ramiku filmowego festiwala jo to wjelicki póstup, až tam prezentěruju serbski film. Lětadłujka njewuznamnosć zda se z tym pśewinjona.
Njeźelu buźo film "Pla nas gronje jej Hanka" w měsćańskej hali zeger 12:00 połdnjo.
Ze sekcije Heimat/Domownja/Domizna buźo 7. nowembra wjacor južo ten prědny film. Zeger 22:00 pśiźo "Let the river flow", film ze samiskeju tematiku, w Obenkino.
Ines Neumanojc jo naša festiwalna reportaŕka a buźo kuždy źeń rozpšawiś abo z tipami na serbske filmy pokazaś.
Es ist endlich so weit, das 33. FilmFestival Cottbus beginnt! Um 19 Uhr wird im Staatstheater Cottbus das FFC offiziell eröffnet. Der Eintritt erfolgt hier ausschließlich mit Einladung. Aber schon ab 17 Uhr laufen in allen Spielstätten tolle Filme. Hier geht es zum Programmheft
Rozgrono z kuratorku festiwala / Gespräch mit Festival Kuratorin
Dajo někotare Serby, kenž se kuždy źeń 3, 4, 5 a wěcej filmow woglědaju. Jim a wšyknym dalšnym, kenž se za zajmuju za filmowy festiwal, comy južo pór wjeraškow pśedstajiś. Naša za filmowy festiwal zagronita redaktorka Ines Neumanojc jo se rozgranjała k tomu z Helu Stoleckojc. Wóna jo kuratorka serbskeje sekcije Heimat/Domownja/Domizna togo.
Für alle Cineasten und Liebhaber des osteuropäischen Films haben wir hier einen Überblick über Höhepunkte des diesjährigen Film Festivals. Unsere FFC Redakteurin Ines Neumann kam dazu ins Gespräch mit Hella Stoletzki, Kuratorin der Festival Sektion "Heimat".
