Sorbisches Adventskonzert des rbb: "nAund Liveband" (Quelle: rbb/M. Bulang)
serbska muzika live/Sorbische Musik live

Musik der Woche - Muzika tyźenja

W tej rubrice pśedstajamy muziku k specielnym temam, wósebnych wuměłcow/ki abo literaturu. W našom wšednem wusćełanju muziku a pśinoski k tomu grajomy.
In dieser Rubrik stellen wir Musiktitel zu speziellen Themen, Künstlerinnen und Künstler und Literatur vor.

informacije we www

19.05. - 25.05.2025

Swajźbowaś / Heiraten und Hochzeit

1975 - 2025: Mósćański swajźbaŕski pśeśěg buźo 50 lět! K tomu sćo wutšobnje pśepšosone na wjeliki jubilejny swěźeń. Sobotu, 24. maja, wót zeger 12:00 Was wótcakujo źeń połne aktiwitow: swěźeński pśeśěg, pisany program na jawišću, dujaŕska muzika, drastwowy mark, źěłaŕnicki, serbska muzika, póbitowanja za źiśi a wjacor budu reje. Zarědowaŕ togo wjelikego swěźenja jo domowinska kupka Móst.
W Mósće pótakem skóro swajźbuju. A teke my comy swajźbowaś – w našej muzice tyźenja. Tu jo tenraz nam wupytał Jakob Priedigkeit - serbsku a tek mjazynarodnu.

Anläßlich des 50. Jubiläums des Heinersbrücker Hochzeitszuges hat Jakob Priedigkeit in dieser Woche Musik zum Thema "Hochzeit" zusammengestellt.

graue Fläche
rbb

Serbsko-waliziske pśijaśelstwo - Tule statok zboža stajić

Źinsa słyšyśo jaden rědny stary górnoserbski spiw. Wón zwuraznja žycenje, aby měł njewjesćinski pórik derjeměśe, płodnosć a dobre žni w zgromadnem žywjenju. Spiw stoj symboliski za połnosć a dobre wuwiśe, což jo na swajźbach ako žognowanje a naźeja wjelgin wažna. Toś tu wersiju spiwa Irena Torbus-Mierzdekowa.

picture alliance/dpa/A.Warnecke

Bruno Mars - Marry you

Titel wót Bruno Mars jo zawěsće prědny spiw, na kótaryž wjele pśi słowje "swajźba" mysli. Song wulicujo wó spontanych swajźbnych planach. Wón swěśi to wjasele a wjasele na tom, někogo lubowaś a zgromadnu drogu zachopiś. Song pósrědnja lažku, njewobśěžkujucu mysl. Za někotarych jo wón ta perfektna hymna za swajźbnu reju. Jogo optimistiski beat cyni lušt na swětosnosć. Pla was teke?

Domnowina Niederlausitz

Gerald Schön - Rědna Łužyca

Woblubowany spiw, naša serbska hymna "Rědna Łužyca" njejo swajźbaŕski spiw, spiwa se pak cesto pśi swěźeńskich góźbach. Tekst jo Hendrich Jordan do dolnoserbšćiny pśestajił. Hymna wuchwalujo rědnosć Łužyce a zwězanosć Serbow ze swójeju domownju. Studentski ansambel muzikoweje wusokeje šule w Drježdźanach słyšyśo, Gerald Schön spiwa solistiski.

IMAGO / Ikon Images

Christina Perri feat. Steve Kazee - A thousand years

Źinsajšny engelski song jo miła, cuśniwa balada wó nimjernej lubosći a cakanju na pšawe wokognuśe. Wón jo wordował wósebnje pśez rěd twilight-filmow znaty, ale teke pśi swajźbach jo wjelgin woblubowany. Tekst zwuraznja dłymoku zwězanosć a zlubjenje, na pśecej gromaźe wóstaś. Ze swójeju měrneju melodiju twóri song romantisku a intimnu atmosferu.

Sorbisches National-Ensemble Bautzen

Orchester Serbskego ludowego ansambla - Kwasne přezpolo

"Kwasne přezpolo do cerkwje" jo tradicionelny serbski swajźbny spiw. Wón jo se spiwał a grał, gaž jo nawóźeń wótholił swóju njewjestu, a gaž jo swajźbaŕski pśeśěg śěgnuł do cerkwje. Melodiju interpretěrujo how Serbski ludowy ansambel pód nawjedowanim Jana Bulanka.

imago/Frank Sorge

Ed Sheeran - Perfect

Źinsajšny song jo moderna lubosćinska balada, kótaraž se napšawdu góźi za swajźby. Ze swójeju łacneju melodiju a cuśniwym tekstom wulicujo wón tšojenje dweju luźi, kótarejž stej se namakałej a stej se ceło wěstej, až słušatej gromadu. Wósebnje woblubowany jo spiw za prědnu reju swajźbaŕskego pórika, dokulaž twóri intimnu, romantisku atmosferu. Ed Sheeran trjefijo how rowno pšawy zuk mjazy casoweju romantiku a moderneju lubosću.

slědkglědanje/ Rückschau

In-Ear Kopfhörer steckt in einem Frauenohr (Bild: rbb/Lucia Hennerici)
rbb

- muziku słuchaś/ Musik nachhören

How móžośo słuchaś a wólodowaś "muziku tyźenja" slědnych mjasecow
"Musik der Woche" der letzten Monate anhören oder downloaden

Kontakt

Colourbox

Ihr Mail an uns - Waša mejlka na nas

kontakt:
rbb/Studio Cottbus
Sorbisches Programm
Berliner Straße 155
03046 Cottbus
Telefon: (0355) 14 39 171
Whatsapp: 0151 11808865
Telefax: (0355) 14 39 179
Mail: sorben@rbb-online.de