Powěsći / News -
Serbski film w kinach / Sorbischer Film im Kino +++
Spomnjeśe na Detlefa Kobjelu / Gedenken an Detlef Kobela +++
Kopańske mejstaŕstwo Europeada / Minderheiten-Fußball-EM
Serbski film w kinach / Sorbischer Film im Kino
Ako prědny kino-film wó, wót a ze Serbami pódajo se "Pla nas gronje jej Hanka” na namakańsku turu. We dokumentarnem filmje slěźi režiserka Grit Lemke za swójimi serbskimi kórjenjami, rozdźělnymi žywjeńskimi pśedłogami a procowanim wó nowe wóžywjenje serbskeje kultury. Film móžośo sebje woglědaś wót 18. apryla w nimskich kinach.
Als erster Kinofilm über, von und mit Sorben begibt sich "Bei uns heißt sie Hanka" auf eine Entdeckungstour. In dem Dokumentarfilm erforscht Regisseurin Grit Lemke ihre sorbischen Wurzeln, unterschiedliche Lebensentwürfe und den Kampf um das erneute Auferleben lassen sorbischer/wendischer Kultur. Der Film ist seit dem 18. April in deutschen Kinos zu sehen.
+++
Spomnjeśe na Detlefa Kobjelu / Gedenken an Detlef Kobela
Z koncertom w Chóśebuzu jo dopominał Serbski ludowy ansambel na wuznamnego komponista Detlefa Kobjelu. 7. apryl by wón był 80 lět. Naroźił jo se w muzikaliskej familiji w Rogoznje. Cas žywjenja jo se zasajźił za dolnoserbske chory. Ako dramaturg a intendant jo rozsuźecy pregował Serbski ludowy ansambel. Wón jo zawóstajił wěcej 170 twóŕbow – wót dolnoserbskego spiwa až k wjelikemu muzikowemu źiwadłu. Jogo kompozicije se tuchylu w SLA digitalizěruju.
Mit einem Konzert in Cottbus erinnerte das Sorbische National-Ensemble an den bedeutenden Komponisten Detlef Kobela. Kobela wäre am 7. April 80 Jahre alt geworden. Geboren wurde er in einer musikalischen Familie in Willmersdorf. Sein Leben lang setzte er sich für die niedersorbischen Chöre ein. Als Dramaturg und Intendant prägte er das Sorbische National-Ensemble entscheidend mit. Er hinterließ über 170 Werke - vom niedersorbischen Lied bis zu großem Musiktheater. Seine Kompositionen werden derzeit im SNE digitalisiert.
+++
Kopańcowe mejstaŕstwo Europeada / Minderheiten-Fußball-EM
Organizatory Europeady 2024 - kopańcowego mejstaŕstwa europskich mjeńšynow - woblutuju, až jo kopańcowe mustwo krimskich Tatarow musało trajucych nadpadowańskeje wójny we Ukrainje dla wótgroniś wobźělenje na turněru. Europejska organizacija mjeńšynow FUEN jo wugroniła swóju solidaritu.
Die Organisatoren der Europeada 2024 (Fußball-EM der autochthonen Minderheiten in Europa) bedauern, dass die Fußballmannschaft der Krimtataren ihre Teilnahme am Turnier wegen des andauernden Angriffskrieges in der Ukraine absagen musste. Die europäische Minderheitenorganisation FUEN - Föderalistische Union europäischer Nationalitäten - äußerte ihre Solidarität.
