Teke, gaž jo tuchylu hyšći kradu chłodno, mócne słyńco dajo nam južo pšawo, gaž gronimy - pśichada nalěto we Łužycy. Jaden pósół nalěta jo był a jo pśecej hyšći nejwěcej znaty ptašk we Łužycy - ten bóśon.
Auch wenn der Frühling sich noch zaghaft meldet, die ersten Frühlingsboten sind nicht mehr zu übersehen. Und so zieht es uns auch in die Natur zu einer besonderen Heimatwanderung.

We lětoma 1983/84 su Tšawnicu dewastěrowali a pótom wótbagrowali. Pśed 40 lětami jo Tšawnicaŕ Waldi Lobert swóju rodnu wjas zgubił. Kak źinsa z tym žywy jo na swójom nowem dwórje w Kśišowje?
1983/84 wurde das wendische Dorf Tranitz devastiert und abgebaggert. Vor 40 Jahren verlor der ehemalige Tarnitzer Waldi Lobert seine Heimat. Wie lebt er heute damit auf seinem neuen Hof in Krieschow?

Serbski wuměłc Jan Buk jo generacije Serbow inspirěrował. Płaśi ga wón ako nestor modernego serbskego wuměłstwa.
Der sorbische Künstler Jan Buk hat Generationen von Sorben inspiriert. Er gilt als der Nestor der modernen sorbischen Kunst.

Christian Mattheé jo zasej grěbał w pśinoskach a wusćełanjach zajźonego lěta a pśedstajijo nam rozwjaselecy pśeglěd. Co smy rozpšawili, co su byli naše temy, z kim smy powědali.
Gregor Kliem prezentěrujo dolnoserbske muzikowe produkcije rbb w lěśe 2023.
Christian Matthée stellt in unserem Jahresrückblick Höhepunkte und wichtige Themen des vergangenen Jahres vor.
Gregor Kliem präsentiert die niedersorbischen Musikproduktionen des vergangenen Jahres.

Mjaztym až su luźi juž ceło w pśedgódownem štresu, glědaju nerwoznje a późědny ku kóńcoju lěta, jo se za ewangelskich kśěsćijanow to nowe lěto južo zachopiło. Z adwentom respektiwnje pśichodom kołoběg swětosnych pókutnych dnjow wótnowotki startujo. Góźba doprědka glědaś.
Das Kirchenjahr beginnt nach katholischer wie evangelischer Tradition mit dem ersten Sonntag im Advent. Wir schauen auf das neue Kirchenjahr in der wendischen Kirchengemeinde.

W septembrje smy spominali na 150. narodniny Bogumiła Šwjele. Góźba za Serbski muzej w Chóśebuzu z wósebneju wustajeńcu na Šwjelowe derbstwo pokazaś.
Im September gedachten wir des 150. Geburtstages von Gotthold Schwella. Anlass für das Wendische Museum in Cottbus, dem Schwella Erbe eine Ausstellung zu wdmen.

Smjerś grajo ako jadno z nejwěcej elementarnych cłowjeskich nazgónjenjow teke w muzice jadnu rolu. Smy zestajili wuběrk kompozicijow, kótarež póśěguju se na wšaki part na kóńc žywjenja.
Der Tod spielt als eine der elementarsten menschlichen Erfahrungen auch in der Musik eine Rolle.

Wót 7. do 12. nowembra jo se wótměł festiwal pódzajtšnoeuropskego filma FFC. To jo był lětosa ten 33. togo wjelgin wuspěšnego zarědowanja. Ceły tyźeń jo dał zasej wjelicki nawal w kinach města a centrum Chóśebuz jo swěśił w módrej barwje. Słyšćo how naše rozpšawa.
Das FilmFestival Cottbus ist eines der weltweit führenden Festivals, wenn es um das aktuelle Filmschaffen in Mittel- und Osteuropa geht. Vom 7. bis 12. November gab es drei Wettbewerbe und rund 150 Filme aus 40 Produktionsländern zu sehen. Hier unsere Berichte.

Dowolowy cas jo něnto mimo. Młogi pak ten wósobinski ramik za drogowanja a póznawaśe swěta rozšyrijo, wzejo sebje dlejšy dowol. Tak na pśikład Šurmanojc manźelskej z Chóśebuza.
Die Urlaubszeit und damit für viele Reisezeit ist vorbei. Manch einer erweitert aber auch seinen persönlichen Zeitrahmen, um die Welt zu bereisen. So wie das Ehepaar Schurmann aus Cottbus, das über seine Weltreise berichtet.

Wušej 100 gósći jo było sobotu pódla pśi lětosnem pócesćenju z Mytom Ćišinskego, kótarež jo nejwuše myto we Serbach a kótarež se pósćijo wót 1995 kužde druge lěto za wusegajuce statkowanje na pólu serbskeje rěcy a kultury.
Mehr als 100 Gäste kamen zur diesjährigen Verleihung des Ćišinski Preises und des Ćišinski Förderpreises. Der Ćišinski-Preis ist die höchste Auszeichnung der Sorben.

21. september jo swětowy źeń měra, pśipowěźony wót generalneje zgromaźiny Zjadnośonych narodow UN rowno na toś tom dnju lěta 1981. Z temu wójna a měr jo se zaběrała teke naša redaktorka Marion Stenselowa.
Anlässlich des Weltfriedenstages, am 21.09.1981 ausgerufen von den Vereinten Nationen, hat sich unsere Redakteurin Gedanken zum Thema "Krieg und Frieden" gemacht und präsentiert Musiktitel dazu.

Kak klincy "Old MacDonald" w pópšawem zemrětej rěcy Lüneburgskich Słowjanow? Gregor Kliem w rozgronje z Wernerom Měškankom.
Eigentlich ist es eine tote Sprache, aber das alte polabische Wendisch im Hannoverschen Wendland wird wiederbelebt.

15. awgusta swěśe Reziani w Italskej swój nejwažnjejšy swěźeń. Ta "carna namša" jo zwězana z muziku a reju. Z Gregorom Kliemom słuchamy na graśe reziańskich fidlow "citira" a na skóro zabyte spiwy togo drje nejmjeńšego słowjańskego luda.
Am 15. August feiern die Resiani in Italien Mariä Himmelfahrt, "šmarna miša", mit Musik und Tanz. Gregor Kliem stellt dazu die Musik des wohl kleinsten slawischen Volkes vor.

Pópšawem jo módrośišć we Łužycy dłymoko zakórjenity był. Ale to rucnikaŕstwo ma se źinsa śěžko: źěłaŕnje how we Dolnej Łužycy wěcej njedajo.
Blaudruck war ein in der Lausitz weit verbreitetes traditionelles Handwerk. Heutzutage gibt es in der Niederlausitz leider keine Blaudruckwerkstätten mehr.